យោងទៅតាមប្រភពព័ត៌មានពីគេហទំព័រស៊ិនហួរ ចេញផ្សាយកាលពីថ្ងៃអាទិត្យទី២០ ឧសភា ឆ្នាំ២០១២បានឱ្យដឹងថា នាង Sahar Biniaz វ័យ២៦ឆ្នាំ មកពីទីក្រុង Vancouver បានគ្រងមកុដបវរកញ្ញាចក្កវាឡឆ្នាំ២០១២ របស់ប្រទេសកាណាដា ។
ការប្រឡងបវរកញ្ញាចក្កវាឡនេះត្រូវបានរៀបចំ ធ្វើឡើងកាលពីថ្ងៃសៅរ៍ទី១៩ ឧសភា ឆ្នាំ២០១២ នៅក្នុងរដ្ឋតូរ៉នតូ។ ចំណែកឯចំណាត់ថ្នាក់លេខ២ បានទៅលើនាង Adwoa Yamoah ខណៈដែលនាង Majd Soudi មកពីរដ្ឋអូតាវ៉ា ជាប់ចំណាត់ថ្នាក់លេខ ៣ ។ ដោយឡែកពានរង្វាន់ថតរូបស្អាតបានទៅលើនាង Ela Mino និងមានពានរង្វាន់ផ្សេងៗមួយចំនួនទៀត ។
នាង Sahar Biniaz កើតនៅប្រទេសឥណ្ឌា ហើយធំឡើងនៅប្រទេសអីុរង់ រួចបន្តមករស់នៅក្នុងប្រទេសកាណាដា ។ នាងបានបញ្ចប់ការសិក្សានៅសាលាវិចិត្រសិល្បៈក្នុងរដ្ឋឡូសអែនជឺ ឡែស ។ បច្ចុប្បន្ន នាងជាតារាសម្តែងខ្សែភាពយន្តនិងជាពិធីការិនីទូរទស្សន៍ផងដែរ ។
នាង Sahar នឹងតំណាងបវរកញ្ញារបស់កាណាដាសម្រាប់ការចូលរួមប្រឡងបវរកញ្ញា ចក្កវាឡឆ្នាំ២០១២ ដែលនឹងប្រារព្ធរៀបចំឡើងនៅពាក់កណ្តាលខែធ្នូ ឆ្នាំ២០១២ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]