ភ្នំពេញៈ តារាសម្តែង និងជាពិធីករបុរសរូបសង្ហា លោក អេឡិច ចិត្រា ថ្មីៗនេះ ត្រូវបានអ្នកនិយមលេងបណ្តាញ សង្គម Facebook ជាច្រើន បានបង្ហាញពីភាពមិនពេញចិត្ត និងធ្វើការរិះគន់ ទៅលើទង្វើ របស់តារាប្រុសរូបនេះ នៅលើឆាក និងក្រៅឆាក មានការខុសគ្នា និងជាគំរូអាក្រក់មួយ ដែលយុវវ័យ មិនគួរធ្វើតាមនោះទេ ។
តាមរយៈ Account Facebook មួយដែលមានឈ្មោះថា Justice Hanker បានយករូបរបស់តារាចម្រៀង លោក អេឡិច ចិន្ត្រានៅក្នុងពេល ដែលលោកគ្រងស្បង់ជីពរ និងរូបមួយទៀត ដែលលោកអង្គុយជក់ស៊ីសា (គ្រឿងញៀន) ដែលនេះជាគំរូមិនល្អសម្រាប់យុវវ័យជំនាន់ ក្រោយនោះទេ ដោយនៅក្នុងនោះ គេបានសរសេរសារជាភាសាខ្មែរថា "ពេលធ្វើជាពិធីករ ដាស់តឿនគេថា ជៀសឲ្យឆ្ងាយពីគ្រឿងញៀន។សូមជួយចែករំលែក ឲ្យតារាចម្រៀងម្នាក់នេះផង ព្រោះមើលទៅការនិយាយស្តី ដូចជាមានមោទនភាព ណាស់ពេលជក់ ស៊ីសា។ ចំណែកឯពួកក្រសួង ដែលពាក់ព័ន្ធ សូមមេត្តាចេះ បើកភ្នែកមើលផង" ។
នៅក្នុងនោះ ក៏មានអ្នកនិយមលេង Facebook ជាច្រើនបានបញ្ចេញមតិផ្ទាល់ខ្លួន ធ្វើការរិះគន់ ទៅលើតារារូបនេះ យ៉ាងចាស់ដៃថា ពេលដែលនិយាយណែនាំ គេហាក់ដូចជាខ្លួនឯងល្អណាស់ តែដល់ពេលអនុវត្តខ្លួនឯង បែរជាធ្វើជាគំរូអាក្រក់មុន ពេលដែលតាំងខ្លួនធ្វើជាអ្នកណែនាំគេ ត្រូវធ្វើខ្លួនឲ្យល្អសិនទៅ ។
ទាក់ទងនឹងការបញ្ចេញមតិរិះគន់នេះ LookingTODAY មិនទាន់អាចទាក់ទង ទៅ លោក អេឡិច ចិន្ត្រា បានទេ នៅថ្ងៃទី២១ ខែកុម្ភៈ ឆ្នាំ២០១៤នេះ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
