យោងទៅតាមប្រភពព័ត៌មានដេលី ម៉េល ចេញផ្សាយកាលពីថ្ងៃពុធទី១៦ ឧសភា ឆ្នាំ ២០១២ បានឱ្យដឹងថា តារាចម្រៀងព្រីតន្នីសស្ពៀរបានយល់ព្រមចុះកុងត្រាធ្វើជាគណៈមេ ប្រយោគក្នុងកម្មវិធី The X Factor ដែលជាកម្មវិធីប្រឡងចម្រៀងដ៏មានប្រជាប្រិយភាពត្រូវបាន បង្កើតឡើងដោយលោក Simon Cowell កាលពីឆ្នាំ២០០៤ ។ ប្រភពព័ត៌មានដដែលនោះបានបន្តឱ្យដឹងទៀតថា កំពូលតារាចម្រៀងរូបនេះបានចុះហត្ថលេខាលើកិច្ចព្រមព្រៀងជាមួយ លោក Simon Cowell ស្ថាបនិកកម្មវិធី The X Factor ក្នុងតម្លៃឈ្នួល១៥លានដុល្លារសហរដ្ឋអាមេរិក ។
លោក Simon Cowell ស្ថាបនិកកម្មវិធី The X Factor បាននិយាយថា នាងព្រីតន្នីសស្ពៀរ នឹងចូលមកជំនួសតំណែងនាង Paula Abdul និង Nicole Scherzinger ដែលត្រូវបានបណ្តេញចេញហើយនាងត្រូវចាប់ដៃគូជាមួយលោក Simon Cowell និង LA Reid ក្នុងនាមជាចៅក្រមកាត់សេចក្តីក្នុងកម្មវិធីប្រឡងចម្រៀងដ៏ប្រជា ប្រិយរបស់អង់គ្លេស ។ រួមជាមួយនឹងនាងព្រីតន្នីសស្ពៀរ នាង Demi Lovato ក៏ជាសមាជិកថ្មីមួយរូបដែរ ដែលត្រូវចូលរួមធ្វើការងារក្នុងកម្មវិធីនេះ ជាមួយលោក Simon Cowell ជាមួយនឹងប្រាក់ឈ្នួលប្រហែលជាង១លានដុល្លារ ។
បន្ទាប់ពីចុះហត្ថលេខារួចរាល់តារាចម្រៀងអស់ គ្លេសវ័យ៣០ឆ្នាំ ព្រីតន្នីសស្ពៀរបាននិយាយថា ខ្ញុំមានក្តីរំភើបចិត្តខ្លាំងណាស់ ដោយបានចូលរួមក្នុងកម្មវិធីនេះ ពីមុនមកខ្ញុំគ្រាន់តែជាអ្នកទស្សនាតែប៉ុណ្ណោះ ។ នាងបានបន្តទៀតថា ខ្ញុំនឹងប្រឹងប្រែងធ្វើការងារនេះឱ្យបានជោគជ័យបំផុត ចំណែកឯនាង Demi Lovato ក៏បានសម្តែងនូវក្តីរំភើបដូចគ្នានេះដែរ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
