យោងទៅតាមប្រភពព័ត៌មានពីគេហទំព័រ សិល្បៈចិនមួយចេញផ្សាយកាលពីថ្ងៃព្រហស្បតិ៍ទី១៩ មិថុនា ឆ្នាំ២០១២ បានឱ្យដឹងថា ៖ តារាម៉ូដែលដែលនិយមស្លៀកពាក់សិចស៊ីគឺនាង Chrissie Chau បានក្លាយទៅជាម្ចាស់ហាងលក់សម្លៀកបំពាក់ឈុតក្នុងរបស់ស្ត្រីដ៏ទំនើបមួយ ។
នាងបាននិយាយថា ៖ ការបើកហាងលក់សម្លៀកបំពាក់ឈុតក្នុងស្ត្រីនេះ គឺមានគោលដៅទីផ្សារធំទាក់ទាញស្រទាប់យុវវ័យក្នុងប្រទេសចិន ។ ជាមួយនឹងការច្នៃម៉ូដ និងដើរបង្ហាញម៉ូដដោយខ្លួនឯងចំពោះម៉ូដសម្លៀកបំពាក់ខ្លះៗធ្វើឱ្យហាងរបស់នាងកាន់តែល្បីខ្លាំងឡើងៗ ។ ក្រៅពីការច្នៃម៉ូដដោយខ្លួនឯង នាងChrissie Chau ក៏បានសហការជាមួយក្រុមហ៊ុនសម្លៀកបំពាក់ល្បីៗជាច្រើនទៀតនៅក្នុងប្រទេសចិន ។
តារាម៉ូដែលវ័យ២៦ឆ្នាំរូបនេះ បាននិយាយដោយទំនុកចិត្តថា ហាងនេះវាពិតជាធ្វើឱ្យខ្ញុំអាចរកប្រាក់ចំណូលបានច្រើនជាងការសម្តែង ឬដើរបង្ហាញម៉ូដ ។ នាងបានបន្តទៀតថា ការបើកហាងនេះគឺជាក្តីសុបិន្តរបស់ខ្ញុំតាំងពីកុមារភាពមកម្ល៉េះ ហើយឥឡូវនេះ ក្តីសុបិន្តបានក្លាយទៅជាការពិតហើយ ។ ជាមួយនឹងការចាប់អាជីពថ្មីផ្នែកជំនួញនោះ ខ្ញុំនឹងខិតខំប្រឹងប្រែងឱ្យអស់ពីសមត្ថភាព ដើម្បីទទួលបានការគាំទ្រកាន់តែច្រើនឡើងៗពីអតិថិជន ៕
ដកស្រង់ ពីគេហទំព័រ កោះសន្តិភាព
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្ន
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
