រាជធានីភ្នំពេញ ៖ បុរសម្នាក់ទើបតែជួលរ៉ឺម៉កម៉ូតូគេយកមករត់មិនទាន់បានមួយថ្ងៃ ផង ត្រឡប់មកពីដឹកប្អូនស្រីវិញពេលភ្លៀងទើបនឹងរាំងផ្លូវរអិលចាប់ ហ្វ្រាំងមិនស៊ីជ្រុលទៅបុករថយន្តសាំយ៉ុងដែលកំពុងឈប់ ចំណុចភ្លើងស្តុប បណ្តាលបែកកញ្ចក់ក្រោយមួយផ្ទាំង ។ ហេតុការណ៍នេះកើតឡើង កាលពីវេលាម៉ោង៤និង២០នាទីរសៀលថ្ងៃទី១៤ ឧសភា ទល់មុខស្ថានីយប្រេង PTT តាមមហាវិថីព្រះមុនីវង្ស កែងវិថីម៉ៅសេទុងក្នុងសង្កាត់បឹងកេងកងទី៣ ខណ្ឌចំការមន ។
អ្នកបើករ៉ឺម៉កឈ្មោះហ៊ុយ សារុន ភេទប្រុស អាយុ៣២ឆ្នាំ ស្នាក់នៅផ្ទះជួលសង្កាត់បឹងទំពុន ខណ្ឌមានជ័យ មានស្រុកកំណើតនៅភូមិអង្គរំពាក់ ឃុំឧត្តមសូរិយា ស្រុកត្រាំកក់ ខេត្តតាកែវ បានឱ្យដឹងថា រ៉ឺម៉កនេះ ខ្លួនទើបនឹងជួលគេមិនទាន់បានមួយថ្ងៃផង តម្លៃ៣ដុល្លារក្នុងមួយថ្ងៃ ឥឡូវនេះត្រូវម្ចាស់រថយន្តទាមទារសំណង និងបានព្រមព្រៀងគ្នាក្នុងតម្លៃ១៥០ដុល្លារទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]