មានសិស្សានុសិស្សមួយចំនួនមិនសូវពេញចិត្តនឹងគ្រូប៉ុន្មាននោះទេ កាលពីរៀននៅឯវិទ្យាល័យ បន់អោយតែគ្រូលីប នឹងអាលបានមានពេលទំនេរ ប៉ុន្តែឥឡូវនេះដោយសារតែទឹកចិត្តរបស់គ្រូបង្រៀនម្នាក់ ប្រហែលជាអាចកែប្រែនូវ ចិត្តរបស់សិស្សានុសិស្សខ្លះ ដែលតែងតែយល់ខុសមកលើគ្រូបង្រៀនពីមុនមក។
តាមប្រភពព័ត៌មានបានអោយដឹងថា កាលពីថ្ងៃទី ៨ ខែឧសភា ឆ្នាំ ២០១២ កាលពីវេលាម៉ោង ៨ : ៣៨ នាទីយប់ ទៅទីក្រុង Jiamusi ប្រទេស ចិន មានហេតុការដ៏អាក្រក់មួយបានកើតឡើង ដោយមានរថយន្តក្រុងមួយបានបាត់បង់ ម្ចាស់ការហើយបានរេរចង្កូត សំដៅទៅរកសិស្ស ២ នាក់ដែលបានដើរចេញពីសាលារៀន នៅពេលនោះដែរមាន អ្នកគ្រូម្នាក់បានស្ទុះ ទៅច្រានសិស្សទាំង ២ អោយផុតពីគ្រោះថា្នក់តែជាអកុសល រូបនាងត្រូវបានរថយន្តក្រុងបុក យ៉ាងពេញទំហឹង ហើយត្រូវបានគេ ទូរស័ព្ទហៅរថយន្តសង្គ្រោះដឹក នាងយកទៅសង្គ្រោះបន្ទាន់។ អ្នកគ្រូម្នាក់នោះមាន ឈ្មោះថា Zhang Liping អាយុ ២៩ ឆ្នាំ ត្រូវបានក្រុមគ្រូពេទ្យ ជួយសង្គ្រោះអោយ រួចផុតពីសេចក្តីស្លាប់ ប៉ុន្តែអ្វីដែលបាន ធ្វើអោយនាង មានការស្តាយក្រោយអស់មួយជីវិតនោះ គឺ តួខ្លួនរបស់នាងមួយកំណាត់ខាងក្រោមមិនអាច ធ្វើចលនាបាននោះទេ ដូច្នេះហើយនាងត្រូវចំនាយពេលមួយជីវិតរបស់នាង នៅលើកៅអីកង់។ អ្នកលេង អិនធើណិតជាច្រើនដែលបានដឹងនូវហេតុការនេះ បានកោតសសើរទឹកចិត្តរបស់នាង ហើយបាននាំគ្នាដាក់ ឈ្មោះអោយនាងថា "អ្នកគ្រូដែលមានទឹកចិត្តបរិសុទ្ធ" បំផុត។ គួរបញ្ជាក់ផងដែរថា អ្នកគ្រូបានរៀបការរួចទៅហើយ ហើយអ្នកគ្រូធ្លាប់បានពន្លូតកូនម្តង រួចមកហើយដើម្បីមានឱកាសមកបង្រៀនសិស្សរបស់អ្នកគ្រូ សម្រាប់ពេលត្រៀមប្រលង។
តើប្រិយមិត្តយល់យ៉ាងណាចំពោះទឹកចិត្តរបស់នាង ?
ដោយ ៖ អម្រិត
ខ្មែរឡូត
សូមប្រិយមិត្តជួយចុច Add Comment ដើម្បីបញ្ចេញមតិ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]