ក្រុងប៉ោយប៉ែត ៖ បុរស៣នាក់ត្រូវបានកម្លាំងកងរាជអាវុធហត្ថក្រុងប៉ោយប៉ែត ឃាត់ខ្លួនដោយចោទប្រកាន់ពីបទដើររៃអង្គាសបច្ច័យពលរដ្ឋគ្មាន ការអនុញ្ញាត ឬក្លែងបន្លំបោកប្រាស់ពលរដ្ឋ ។
បុរស៣នាក់ដែលឃាត់ខ្លួន ១-ឈ្មោះឈុន អឿន អាយុ៣៨ឆ្នាំ ២-ឈ្មោះចូវ សៀង អាយុ៣៤ឆ្នាំ និង៣-ឈ្មោះយស សុវណ្ណ អាយុ៥៥ឆ្នាំ អ្នកទាំង៣នាក់រស់នៅភូមិរលួស ឃុំគារពី ស្រុកម៉ោងឫស្សី ខេត្តបាត់ដំបង ។ ជនទាំង៣នាក់ខាងលើត្រូវបានឃាត់ខ្លួនកាលពីវេលាម៉ោង៩និង៣០នាទី ព្រឹកថ្ងៃទី១៤ ឧសភា ២០១២ ខណៈពេលដែលពួកគេដើររៃអង្គាសបច្ច័យពីពលរដ្ឋក្នុងភូមិអូរជ្រៅ សង្កាត់ផ្សារកណ្តាល ក្រុងប៉ោយប៉ែត។ លោកមេបញ្ជាការកងរាជអាវុធ ហត្ថក្រុងប៉ោយប៉ែត បានសំណូមពរដល់ពលរដ្ឋដែលរស់នៅក្នុងតំបន់ប៉ោយប៉ែត ត្រូវចេះជួយសហការជាមួយសមត្ថកិច្ចឱ្យបានទាន់ពេលវេលាផង ចំពោះការដើររៃអង្គាសបច្ច័យខុសច្បាប់ ឬបោកប្រាស់នេះ ឬប្រព្រឹត្តបទល្មើសណាមួយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]