ខេត្តក្រចេះ ៖ ប៉ូលិសតាមប្រមាញ់ចាប់បានជនដៃដល់ជាប់ចោទលើករណីឃាតកម្មគិត ទុកជាមុន កាលពីវេលាម៉ោង៦យប់ថ្ងៃទី៨ ឧសភា នៅចំណុចភូមិថ្នល់ ឃុំស្វាយជ្រះ ស្រុកស្នួល គឺប្រាំថ្ងៃក្រោយ បន្ទាប់ពីជននេះបានធ្វើសកម្មភាពវាយស្ត្រីជនជាតិវៀតណាម របួសយ៉ាងធ្ងន់ធ្ងរ និងបានស្លាប់ពេលបញ្ជូនទៅសង្គ្រោះនៅមន្ទីរពេទ្យខេត្ត ។
ស្ត្រីរងគ្រោះនៅក្នុងអំពើឃាតកម្មនេះឈ្មោះ ហ្វាម ធីជិញ អាយុ៥៤ឆ្នាំ ជា ជនជាតិវៀតណាម ដែលបានមកស្ទាក់នៅបណ្តោះអាសន្ននៅក្នុងក្រុមហ៊ុនភូរៀង ឯជនដៃដល់ឈ្មោះផេង បូ ហៅក្តូ អាយុ២៨ឆ្នាំ ទីលំនៅភូមិកៀនឃ្លាំង ខណ្ឌឫស្សីកែវ រាជធានីភ្នំពេញ និងបានមកស្នាក់នៅបណ្តោះអាសន្ននៅចំណុចកើតហេតុខាងលើដែរ។ ជនដៃ ដល់រូបនេះបានធ្វើសកម្មភាពវាយសម្លាប់ស្ត្រីរងគ្រោះប្លន់យកលុយ ១២ម៉ឺនរៀល និងទូរស័ព្ទដៃមួយគ្រឿង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]