រាជធានីភ្នំពេញ ៖ បុរសស្រវឹងម្នាក់បាន បើកម៉ូតូកង់៣មួយគ្រឿង ពណ៌ក្រហម ទៅបុករថយន្តហាយឡែនឌ័រ ពណ៌ស្ករ១គ្រឿង ជិះគ្នា២នាក់ ដែលកំពុងឆ្លងថ្លល់ បណ្តាល ឱ្យរថយន្តរងការខូចខាតមួយចំហៀងខាងមុខ ។ ហេតុការណ៍នេះ កើតឡើងកាលពីវេលាម៉ោង៧និង៤៥នាទីយប់ថ្ងៃទី៦ ឧសភា ២០១២ តាមបណ្តោយមហាវិថីសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌ សែនសុខ ។
យោងតាមប្រភពព័ត៌មានពីកន្លែងកើតហេតុបាន ឱ្យដឹងថា មុនពេលកើតហេតុ មានម៉ូតូកង់៣ ពណ៌ក្រហមបើកបរ ដោយបុរសស្រវឹងម្នាក់ធ្វើដំណើរក្នុងទិសដៅពីកើតទៅលិច ក្នុង ល្បឿនលឿន ស្រាប់តែមកដល់ចំណុចកើតហេតុ ក៏មានរថយន្តហាយ ឡែនឌ័រ ពណ៌ស្ករ១គ្រឿងបើកបរដោយបុរសម្នាក់ និងមាន ស្រីម្នាក់អង្គុយនៅក្បែរ ចេញពីផ្លូវបេតុងមួយក្នុងទិសដៅ ពីជើងទៅត្បូង ហើយឆ្លងថ្នល់ ក៏ត្រូវម៉ូតូកង់៣ បុកចំពីចំហៀងខាងឆ្វេង បណ្តាលឱ្យរថយន្តក្រពិត ។ ភ្លាមៗនោះ ម្ចាស់ម៉ូតូកង់៣ក៏ព្យាយាមបើករត់គេច តែត្រូវម្ចាស់ រថយន្តហាយឡែនឌ័រចាប់បាន ។
ព័ត៌មានលំអិតនឹងផ្សាយជូននៅពេលក្រោយ នៅលើ ទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ដោយ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]