រាជធានីភ្នំពេញ ៖ រថយន្តឡិចស៊ីស RX300 ពណ៌ខ្មៅ ប៉ះគ្នាជាមួយរ៉ឺម៉កដឹកដែកនៅចំណុចផ្លូវកែង បណ្តាលឱ្យរ៉ឺម៉កដឹកដែកផ្អៀងហើយអ្នកបើករ៉ឺម៉កជុងដែកមុត ប្រអប់ដៃខាងឆ្វេងធ្លុះដល់ឆ្អឹង ។ គ្រោះថ្នាក់នេះកើតឡើងកាលពីវេលាម៉ោង២និង១៥នាទីរសៀលថ្ងៃទី២ ឧសភា លើកំណាត់ផ្លូវលេខ២៧១ កែងផ្លូវលេខ៤៨៨ ក្នុងសង្កាត់ផ្សារដើមថ្កូវ ខណ្ឌចំការមន ។
ជនរងគ្រោះឈ្មោះច្រឹង ប៊ុនលី អាយុ៤៩ឆ្នាំ ជាអ្នករត់រ៉ឺម៉ក ស្នាក់នៅភូមិដូនវង្ស ឃុំទ្រា ស្រុកកណ្តាលស្ទឹង ខេត្តកណ្តាល បានឱ្យដឹងថា មុនពេលកើតហេតុគាត់ដឹកដែកពីក្រុងតាខ្មៅ យកទៅដាក់នៅឃ្លាំងជិតផែស្ងួតសូងួន មានទីតាំងនៅតាមផ្លូវលេខ២៧១ ក្នុងតម្លៃ៣៥.០០០រៀល ធ្វើដំណើរតាមផ្លូវលេខ២៧១ ពីត្បូងទៅជើង លុះមកដល់ចំណុចកើតហេតុ ស្រាប់តែមានរថយន្តឡិចស៊ីស RX300 ពណ៌ខ្មៅ បើកតាមផ្លូវលេខ៤៨៨ ពីកើតទៅលិចបានបើកកៀររ៉ឺម៉កម៉ូតូរបស់គាត់បណ្តាលឱ្យផ្អៀង រ៉ឺម៉ក ជុងដែកនឹងប្រអប់ដៃឆ្វេងមុតធ្លុះដល់ឆ្អឹងហូរឈាមរហាម ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ដោយ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
