មានរថយន្ដពន្លត់អគ្គិភ័យចំនួន៣ ដែលយ៉ាងហោចណាស់មានអ្នកពន្លត់អគ្គិភ័យ ១២នាក់បានជួយអន្តរាគមន៍ ជួយយកស្ដ្រីម្នាក់ចេញពីទោងក្មេងលេង នៅតាមសាធារណៈ។
មានស្ដ្រីម្នាក់ បានទៅអង្គុយក្នុងកន្ត្រកទោងកូនក្មេង នៅសួនកំសាន្ដ Finsbury ភាគខាងជើងទីក្រុងឡុង កាលពីម្សិលមិញ តែសំណាងអាក្រក់ នាងបានជាប់នៅនឹងទោងនោះ មិនអាចចេញរួច។ យោងតាមសំដីរបស់ ក្រុមអ្នកពន្លត់អគ្គិភ័យ បានឲ្យដឹងថា ពួកគាត់បានទទួលទូរស័ព្ទពីស្ដ្រីម្នាក់ ឲ្យទៅសួនកំសាន្ដរបស់ក្មេង ដោយពួកគាត់ស្មានតែក្មេងមានរឿង ពួកគាត់បានយកនូវឧបករណ៍ជាច្រើន ដើម្បីជួយដល់ក្មេងរងគ្រោះ តែនៅពេលដែលទៅដល់ បែរជាមនុស្សធំទៅវិញ។
ស្ដ្រីរងគ្រោះមិនបានរងរបួស ឬ ឈឺចាប់អ្វីឡើយ តែនាងមានភាពខ្មាសអៀនយ៉ាងខ្លាំង ដោយមានអ្នកសង្គ្រោះជាច្រើន មកជួយនាងឲ្យចេញពីទោងក្មេងលេង។ ក្នុងការយកនាងចេញពីទោងនេះ គឺប្រើពេលតែ១៥នាទីតែប៉ុណ្ណោះ ដោយពួកគេបានកាត់នូវច្រវាក់ទោងចេញ ហើយកាត់កន្ត្រកដែលជាប់នៅនឹងស្ដ្រីរងគ្រោះ។
បើលោកអ្នកជាប់នៅទីនោះវិញ តែនឹងធ្វើបែបណា ប្រហែលជាខ្មាសគេមិនស្ទើរទេ។ តើប្រិយមិត្តយល់យ៉ាងណាចំពោះករណីនេះ?
កែសម្រួលដោយ អៀង
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
