ជួបជាមួយ តំបន់ក្រីក្ររបស់សហរដ្ឋអាមេរិកបន្តិចមើល!

ទីក្រុង Silicon Valley គឺជាមជ្ឈមណ្ឌលបច្ចេកវិទ្យាដ៏ធំមួយ ក្នុងចំណោមមជ្ឈមណ្ឌលបច្ចេកវិទ្យាជាច្រើនទៀត នាទឹកដីនៃសហរដ្ឋអាមេរិក ប៉ុន្តែបើយើងធ្វើដំណើរចេញពីទីក្រុងនេះបន្តិច នោះយើងនឹងឃើញតំបន់ក្រីក្រ ដែលប្រមូលផ្តុំទៅដោយប្រជាជនប្រមាណ ១៧៥នាក់ កំពុងតែរស់នៅ នាពេលបច្ចុប្បន្ននេះ។

ស្ថិតនៅតំបន់ព្រៃដ៏ក្រាស់ធ្មឹក តំបន់នេះបានក្លាយទៅជាទីកន្លែងស្នាក់នៅ សម្រាប់ប្រជនជនដែលគ្មានផ្ទះសម្បែងផ្ទាល់ខ្លួន ហើយប្រជាជនក៏ចាប់ផ្តើមប្រមូលផ្តុំគ្នា កាន់តែច្រើនឡើងៗ។ ក្នុងនោះ គេសង្កេតឃើញប្រជាជននៅតំបន់នោះ មានជីវភាពសាមញ្ញធម្មតា ដោយខ្លះប្រកបមុខរបរជាជាងឈើ ហើយខ្លះទៀតធ្វើជាជាងកំបោរជាដើម ដើម្បីចិញ្ចឹមគ្រួសារ។

គួរបញ្ជាក់ផងដែរថា បញ្ហាប្រជាជនគ្មានផ្ទះសម្បែង កំពុងតែចោទជាបញ្ហាដល់អាជ្ញាធរសហរដ្ឋអាមេរិកជាខ្លាំង ដោយអត្រានៃប្រជាជនគ្មានផ្ទះសម្បែង បានកើនឡើងប្រមាណជា ២០% ក្នុងកំឡុងពេល២ឆ្នាំមុននេះ។

តើប្រិយមិត្តយល់យ៉ាងណាដែរ ចំពោះតំបន់ក្រីក្ររបស់សហរដ្ឋអាមេរិកមួយនេះ?

ដោយ RoMeo

ខ្មែរឡូត