ស្ដ្រីម្នាក់សុខចិត្តរងចាំ៨ឆ្នាំ ឲ្យមាន់របស់នាងងាប់ ដើម្បីយកក្រវិលពីក្នុងពោះវាមកវិញ

ស្ដ្រីម្នាក់ដែលយកមាន់ ធ្វើជាសត្វចិញ្ចឹម សំណាងអាក្រក់ ត្រូវបានវាលេបក្រវិលពេជ្រចូលពោះបាត់ ហើយគាត់ត្រូវរងចាំដល់ពេលដែលវាងាប់ ទើបអាចយកចេញមកវិញបាន។

អ្នកស្រី Claire Lennon ស្រុក Berkshire ភាគខាងត្បូងប្រទេសអង់គ្លេស បានបាត់ក្រវិលពេលដែល គាត់ដាក់មាន់នៅលើស្មារបស់គាត់។ លោកវេជ្ជបណ្ឌិតពេទ្យសត្វ បានប្រាប់ថាក្រវិល ដែល Sarah បានលេបចូលទៅនោះ មិនអាចបញ្ចេញមកក្រៅបានទេ គឺត្រូវសម្លាប់វាដើម្បីយកចេញ ឬ ចាំរហូតដល់វាងាប់ ទើបវះពោះវាយក។ យោងតាមប្រភព័ត៌មាន បានឲ្យដឹងថា ក្រវិលពេជ្រនោះ មានតម្លៃជាង ៤៥០ដុល្លារអាមេរិក គឺជាអំណោយពីមិត្តប្រុសរបស់នាង។

អ្នកស្រី Claire បានសំរេចចិត្តរងចាំ រហូតដល់វាងាប់ ព្រោះមិនចង់សម្លាប់សត្វចិញ្ចឹមរបស់គាត់ឡើង វាទើបតែមានអាយុ ៦ខែប៉ុណ្ណោះ បើនាងចង់រងចាំរហូតដល់វាងាប់ គឺអាចពី ៦ឆ្នាំ ទៅ ៨ឆ្នាំទៀតទើបវាចាស់ងាប់។

តើប្រិយមិត្តនឹងធ្វើយ៉ាង បើរបស់មានតម្លៃរបស់ខ្លួន ត្រូវបានសត្វចិញ្ចឹមដ៏គួរឲ្យស្រលាញ់លេបចូលពោះបែបនេះ? 

កែសម្រួលដោយ អៀង

ខ្មែរឡូត