ខេត្តបន្ទាយមានជ័យ ៖ ឪពុកតិរច្ឆានមានសារជាតិជាត្រីឆ្តោស៊ីកូនឯង ទីបំផុតត្រូវបានបែកការណ៍បន្ទាប់ពីម្តាយធំក្មេងស្រីរងគ្រោះបានដឹកដៃក្មួយស្រីទៅប្តឹងសមត្ថកិច្ចនគរបាលស្រុកមង្គលបុរី កាលពីវេលាម៉ោង៦ល្ងាច ថ្ងៃទី២១ មេសា ២០១២ ដើម្បីចាប់ខ្លួនបុរសជាឪពុកតិរច្ឆានរូបនោះយកទៅញាត់គុកពីបទរំលោភសេពសន្ថវៈកូនស្រីបង្កើតរបស់ខ្លួន ។
លោកវរសេនីយ៍ត្រី យ៉ត សុផល អធិការនគរបាលស្រុកមង្គលបុរី បានឱ្យដឹងថា ជនជាប់ចោទជាឪពុកចាប់រំលោភកូនស្រីបង្កើតឈ្មោះប៉ែន សៀក ហៅណាំ សៀក អាយុ៤១ឆ្នាំ មានទីលំនៅសង្កាត់សាលាក្រៅ ក្រុងប៉ៃលិន ឯក្មេងស្រីរងគ្រោះជាកូនមានអាយុទើបតែ១៤ឆ្នាំប៉ុណ្ណោះ។ តាមសម្តីរបស់ស្ត្រីជាម្តាយធំក្មេងស្រីរងគ្រោះបាននិយាយប្រាប់ថា ដោយក្មួយស្រីមិនអាចរស់នៅជាមួយឪពុកតិរច្ឆាននេះបាន នាងក៏លួចរត់មកផ្ទះរបស់គាត់នៅឃុំបន្ទាយនាង ស្រុកមង្គលបុរី កាលពីថ្ងៃទី២០ មេសា ២០១២។ ពេលនោះនាងបាននិយាយប្រាប់ថា ឪពុកតណ្ហាក្រាស់ឈ្មោះប៉ែន សៀក ហៅណាំសៀក តែងតែចាប់នាងរំលោភសេពសន្ថវៈជាច្រើនលើក ខណៈម្តាយនាងមិននៅផ្ទះ។ ពេលចាប់រំលោភម្តងៗឪពុកតិរច្ឆានតែងតែគំរាមកំហែងមិនឱ្យនិយាយប្រាប់អ្នកដទៃទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
