ខឹងប្រពន្ធដើម ទៅរក​រឿង​ប្រពន្ធចុង ត្រឡប់មកផ្ទះវិញ វាយស្ទើរស្លាប់ស្ទើររស់

ក្រុងប៉ោយប៉ែត ៖ ជម្លោះដោយសារភ្លើងប្រចណ្ឌ រវាងប្តីប្រពន្ធមួយគូ ឈានដល់ការប្រើហិង្សាទៅលើស្ត្រីជាប្រពន្ធដើម ព្រោះបុរសជាប្តីបានខឹងប្រពន្ធទៅ រករឿងផ្ទះប្រពន្ធចុង ពេលប្រពន្ធដើមត្រឡប់មកផ្ទះវិញ បុរសជាប្តីបានចាប់ចូល ទៅក្នុងផ្ទះ រួចដាក់គន្លឹះទ្វារជាប់ វាយដំទាត់ធាក់ បណ្តាលឱ្យស្ត្រីជាប្រពន្ធរងរបួសបែកសៀត ផ្កាខាងស្តាំហូរឈាមជោក និងច្របាច់.កស្ទើរស្លាប់ស្ទើររស់ បន្ទាប់មកបុរសជាប្តីបានរត់គេច ខ្លួនបាត់ស្រមោល ។

ហេតុការណ៍នេះបានកើតឡើង កាលពីវេលាម៉ោង៥ល្ងាចថ្ងៃទី១៤ សីហា ២០១៣ ស្ថិតនៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ។ បុរសជាប្តីឈ្មោះទូន សាវ៉ាត ជាបុគ្គលិកកាស៊ីណូប៉ោយប៉ែតរីសត មានទីលំនៅក្នុងភូមិ-ឃុំកើតហេតុខាងលើ ។ ចំណែកប្រពន្ធរងគ្រោះឈ្មោះទិត ស៊ីម៉េង អាយុ៣១ឆ្នាំ ។

ស្ត្រីរងគ្រោះត្រូវបានក្រុមគ្រួសារបញ្ជូនទៅសង្គ្រោះ នៅមន្ទីរពេទ្យបង្អែកក្រុងប៉ោយប៉ែត ។ សមត្ថកិច្ចកំពុងធ្វើការស្រាវជ្រាវរក ចាប់ខ្លួនបុរសជាប្តី ដើម្បីមកសាកសួរ ។ គួរបញ្ជាក់ថា ប្តីប្រពន្ធមួយគូនេះ ធ្លាប់មានរឿងជម្លោះរហូតឈានដល់ ការសុំលែងលះម្តងរួចមកហើយ តែត្រូវបានបុរសជាប្តីសុំអង្វរ.កឱ្យ ឪពុកម្តាយក្មេកជួយដោះស្រាយឱ្យ៕