អាយដលជឿជាក់! ឈប់ឲ្យផាត់មុខ Luhan មកកម្មវិធីទាំងមុខទទេ ស្អាតសាហាវ

ចិន៖ នៅលើគេហទំព័របានរាយការណ៍មកថា តារាសម្តែងលោក Lu han កំពុងតែទទួលបានការចាប់អារម្មណ៍ជាខ្លាំង កាលពីថ្មីៗនេះ​ដោយតារាប្រុសរូបនេះ​បានជាភ្ញៀវកិត្តិយស ចូលរួមក្នុងកម្មវិធី ត្រូវបានគេលើកមកនិយាយគ្រប់ៗគ្នា អំពីរូបសម្រស់របស់លោក។

ជាមួយគ្នានេះ តារាប្រុសរូបនេះ ត្រូវបានកោតសរសើរជាខ្លាំង ដោយសារស្បែកសរលោងស្អាតម៉ងខៃ ចែងចាំងខ្លាំង មិនចាញ់មនុស្សស្រី ទោះបីជាអតីតសមាជិកក្រុម EXO មិនមានការតុបតែងផាត់មុខសូម្បីតែបន្តិច ដោយសារការហាមឃាត់ការផាត់មុខសិល្បករបុរស នៅប្រទេសចិន នេះបើយោងតាមកាសែត Sina បានបានរាយការណ៍មក។

គួររំលឹក ប្រទេសចិនបានបិទហាមឃាត់ «ការធ្វើខ្លួនឆ្មើងឆ្មៃ» ដោយសម្តៅទៅលើមនុស្សប្រុស ហេតុនេះសិល្បករបុរស ទាំងអស់ព្យាយាមកែសម្រួល រូបរាងឱ្យកាន់តែមានភាពជាបុរស ហេតុដូច្នេះ Lu han ខ្លួនឯង ត្រូវរក្សាអាកប្បកិរិយាជាសុភាពបុរស ប៉ុន្តែចៀសវាងពីការ វ៉ៃម៉ាកក្រយ៉េ ក៏ដូចជាការ លាបក្រែមមាត់ ពេលចូលរួមព្រឹត្តិការណ៍ដូច្នេះដែរ៕

ប្រភព៖ https://ngoisao.net

សូមទស្សនារូបភាពខាងក្រោម៖