អង់គ្លេស៖ អតីតខ្សែប្រយុទ្ធក្រុមតោខៀវ Chelsea លោក Tony Cascarino ជឿជាក់ថា ទាល់តែលោក Ole Gunnar Solskjaer ប្តូរទម្រង់លេងក្នុងក្រុម ហើយដាក់ឲ្យកីឡាករ Edison Cavani ជាដៃគូប្រយុទ្ធជាមួយ Cristiano Ronaldo វិញទើបជារឿងល្អប្រសើរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Ronaldo បានរកគ្រាប់បាល់បាន ៥គ្រាប់ ក្នុងការបង្ហាញខ្លួន ៥លើករបស់គេជាមួយក្រុមបិសាចក្រហមក្នុងព្រឹត្តិការណ៍ទាំងអស់។ ទោះយ៉ាង ប៉ុន្មានប្រកួតកន្លងទៅនេះ គេឃើញថា Ronaldo កំពុងតែមានបញ្ហាកង្វះដៃគូរប្រយុទ្ធច្បាស់លាស់មួយនៅតំបន់ខាងលើ ដែលធ្វើឲ្យគេពិបាកក្នុងការរកគ្រាប់បាល់បន្ថែម។
លោក Cascarino បាននិយាយថា៖
ខ្ញុំគិតថា Ronaldo គួរតែមានដៃគូប្រយុទ្ធមួយដែលច្បាស់លាស់ចាំបង្កើតឱកាសឲ្យគេទើបគេអាចជួយក្រុមបាន។ ទោះយ៉ាងដូចជា ពេលកន្លងទៅដែលគេមាន Rooney និង Carlos Tevez ចាំជួយជ្រុមជ្រែងនៅតំបន់ខាងលើ ហើយក៏ដូចកាលពីគេនៅ Real Madrid ដែលគេមាន Karim Benzema ចាំជួយបង្កើតឱកាសល្អៗឲ្យគេដើម្បីបញ្ចប់ទី។ បច្ចុប្បន្នក៏គេត្រូវការមិត្តរួមក្រុមបែបនេះដែរ ដូចជា Cavani ជាដើម ព្រោះគេជាកីឡាករម្នាក់ដែលអាចគាំទ្រដល់ Ronaldo នៅតំបន់ប្រយុទ្ធបាន៕
ប្រភព៖ Sportskeeda
Bong I.T