ជានារីរឹងមាំមិនងាយស្រក់ទឹកភ្នែក សុខៗ Yeji យំពេលកំពុងផ្សាយបន្តផ្ទាល់ (មានវីដេអូ)

កូរ៉េខាងត្បូង ៖ ក្នុងអំឡុងពេលផ្សាយផ្ទាល់ចុងក្រោយនេះ Yeji សមាជិកក្រុម ITZY បានធ្វើការផ្សាយផ្ទាល់ជួបជាមួយនឹង ​MIDZYs ដែលជាអ្នកគាំទ្រនោះ ក្នុងនាមជាមនុស្សម្នាក់ដែលមិនចូលចិត្តយំ ហើយមើលទៅទន់ខ្សោយ នៅចំពោះមុខអ្នកដទៃ Yeji បានប្រឹងប្រែងអស់ពីសមត្ថភាព ដើម្បីទប់ទឹកភ្នែក ប៉ុន្តែទីបំផុតនាងមិនអាចបញ្ឈប់ទឹកភ្នែករបស់ខ្លួនឯងបានទេ។

ទន្ទឹមនឹងនោះ Yeji បានបង្ហាញពីមូលហេតុដែលនាងយំ គឺដោយសារតែនាងមានអារម្មណ៍ថាទទួលបានការស្រលាញ់យ៉ាងច្រើន ព្រមទាំងដឹងគុណយ៉ាងខ្លាំងចំពោះ MIDZYs ដែលជាអ្នកគាំទ្ររបស់នាង ក្រោយពួកគេបានជួយនាង ឱ្យទទួលបានកម្លាំងចិត្តយ៉ាងច្រើននាពេលថ្មីៗនេះ។

មិនតែប៉ុណ្ណោះ Yeji ថែមទាំងព្យាយាមរុញច្រានអារម្មណ៍របស់នាងមួយឡែក ប៉ុន្តែ MIDZYs តែងតែគាំទ្រ និងលើកទឹកចិត្តនាងឱ្យចែករំលែក អារម្មណ៍របស់នាងជាមួយនឹងពួកគេ តារាស្រីរូបនេះក៏បានបញ្ជាក់យ៉ាងច្បាស់ដែរថា មូលហេតុដែលនាងយំគឺដោយសារភាពរីករាយ មិនមែនដោយសារតែនាងពិបាកចិត្តនោះទេ ព្រោះទោះបីជាក្នុងគ្រាដ៏លំបាករបស់នាងក៏ដោយ ក៏នាងតែងតែប្រាកដថាអ្នកគាំទ្ររបស់នាងនឹងមិនព្រួយបារម្ភពីខ្លួននាងឡើយ។

ប្រភព : Koreaboo