ផ្អាកពីសិល្បៈមួយរយៈ ស្រីនិច ប្រើជីវិតកាន់តែស្រស់ស្រាយ

កម្សាន្ត៖ ពិតណាស់ តារាសម្ដែងស្រីកញ្ញា ស៊ឹម ស្រីនិច បន្ទាប់ពីមានកេរ្ដិ៍ឈ្មោះលើវិថីសិល្បៈអស់ជាច្រើនឆ្នាំ តារារូបនេះតែងតែបង្ហាញនូវអ្វីថ្មីៗសម្រាប់អ្នកគាំទ្រជានិច្ច។ ថែមទាំងបានលេចមុខក្នុងខ្សែភាពយន្តភាគជាច្រើន នាពេលកន្លងទៅ ។

យ៉ាងណាមិញ ខណៈដែលប្រជាប្រិយភាពរបស់តារាស្រីរូបស្រស់រូបនេះ កាន់តែកើនឡើង ស្រាប់តែនាង សម្រេចចិត្តប្រកាសផ្អាកពីការងារសិល្បៈកាលពីប៉ុន្មានខែកន្លងទៅ ក៏ព្រោះនាងត្រូវទៅបំពេញការងារដ៏ចាំបាច់ ដែលតម្រូវឲ្យបញ្ចប់ការងារលើវិថីសិល្បៈយ៉ាងដូច្នេះ។

ដោយឡែក បើទោះបីជាមិនបានលេចមុខក្នុងវិថីសិល្បៈក៏ពិតមែន តែ ស្រីនិច នៅតែបង្ហាញខ្លួននៅលើបណ្ដាញសង្គមជាហូរហែ មិនឲ្យហ្វេនភ្លេចមុខនោះទេ។ ជាពិសេសជាមួយ ស្ទីលលេងខ្លួនរបស់នាងពិតជាស៊ីវិល័យគួរឲ្យចាប់អារម្មណ៍។

លើសពីនេះទៅទៀត មួយរយៈចុងក្រោយមកនេះ ស្រីនិច ក៏បានបង្ហោះរូបភាពជាចច្រើនសន្លឹកក្នុងការធ្វើដំណើរកម្សាន្តលំហែអារម្មណ៍យ៉ាងស្រស់ស្រាយ ជាមួយធម្មជាតិព្រៃភ្នំនៅឯទឹកដីខេត្តពោធិ៍សាត់​ មើលទៅពិតជាមានភាពសប្បាយរីករាយខ្លាំងមែនទែន៕ឮ

សូមទស្សនារូបភាពខាងក្រោម៖