ផ្ទុះការចាប់ឣារម្មណ៍ បេក្ខភាព Miss Universe ខ្មែរ ឣាយុតិច តែខ្លឹម និង កំពុងរៀនជំនាញនេះទៀត

រាជធានីភ្នំពេញ ៖ ពិតណាស់ កម្មវិធី Miss Universe Cambodia ជាកម្មវិធីប្រកួតសម្រស់ល្បីឈ្មោះមួយ ក្នុងស្រុក ដោយការប្រកួតនេះ ទទួលបានការគាំទ្រពីមហាជនជាច្រើន ទន្ទឹមនឹងនេះ មហាជនតែងទន្ទឹងរងចាំមើល ថាតើបេក្ខនារីរូបណា នឹងក្លាយជា ម្ចាស់ជ័យលាភី ក្នុងការប្រកួតសម្រស់ល្បីឈ្មោះនេះ ក្នុងឆ្នាំ២០២១?

យ៉ាងណាមិញ សម្រាប់ឆ្នាំ ២០២១នេះ គេក្រឡេកឃើញ បេក្ខនារីចូលរួមក្នុងការប្រកួតនេះ សុទ្ធតែមាន សមាសភាពមិនធម្មតាប៉ុន្មានទេ មិនត្រឹមតែ មានរូបសម្បត្តិស្រស់ស្អាតប៉ុណ្ណោះទេ ថែមទាំងមានចំណេះដឹងពេញពោះ និងចេះប្រើភាសាអង់គ្លេសយ៉ាងស្ទាត់ជំនាញ ស្ទើរតែគ្រប់គ្នាតែម្តង។

មិនតែប៉ុណ្ណោះ អ្នកគាំទ្រការប្រកួតល្បីឈ្មោះរបស់កម្ពុជាមួយនេះ បានទម្លាក់ការចាប់អារម្មណ៍របស់ខ្លួន លើបេក្ខនារីម្នាក់ មានអាយុតិចមែន តែសមត្ថភាពខ្លឹមតែម្តង ដោយរូបនាង មានឈ្មោះថា ឡូយ ច័ន្ទរស្មី ជាកូនកាត់ខ្មែរ-ឥណ្ឌូនេសុី មានអាយុត្រឹមតែ ២០ឆ្នាំប៉ុណ្ណោះ កម្ពស់ ១,៦៥ម៉ែត្រ សព្វថ្ងៃនេះ រូបនាងកំពុងបន្តការសិក្សា ឆ្នាំទី៣ លើជំនាញ រចនាម៉ូតសម្លៀកបំពាក់ នៅប្រទេសឥណ្ឌូនេស៊ី លើសពីនេះទៅទៀត រូបនាង អាចប្រើប្រាស់ភាសាចំនួន ៤យ៉ាងស្ទាត់ ក្នុងនោះ មាន ខ្មែរ អង់គ្លេស ចិន និងឥណ្ឌូណេស៊ី បើនិយាយពីរូបសម្បត្តិខាងក្រៅវិញ រូបនាង ត្រូវគេដឹងថា ជាក្មេងស្រីដែល ចូលចិត្តតែងខ្លួនសាមញ្ញៗ ហើយថែមទាំង មានអត្តចរឹករួសរាយ និងគួរឲ្យស្រលាញ់ថែមទៀតផង៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖