កើតមកផ្ទៃតែមួយ បងប្អូនស្រី ចាន់ ស្រីនាថ ស្អាតៗមិនឲ្យចាញ់គ្នា

ភ្នំពេញ៖ តារាសម្ដែង និងតារាចម្រៀងកញ្ញា ចាន់ ស្រីនាថ អាចនិយាយបានថានាងឈានជើងចូលវិស័យសិល្បៈអស់ជាច្រើនឆ្នាំមកហើយ តែតារារូបនេះនៅតែទទួលបានការចាប់អារម្មណ៍ និងមានមហាជនជាច្រើនគាំទ្រដដែល។ មិនតែប៉ុណ្ណោះ គេអាចនិយាយបានថា នាងជាសិល្បការិនីមួយរូបដែលមានសមត្ថភាពច្រើនផ្នែកយ៉ាងគួរឲ្យសរសើរ។

ជាមួយគ្នានេះដែរ បើនិយាយពីរូបសម្ផស្សតារាស្រីរូបនេះ នាងពិតជាស្រស់ស្អាត ទោះវ័យកាន់តែជ្រេបន្តិចមែន។ លើសពីនេះទៅទៀត ស្ទាយ៍តុបតែងខ្លួនក៏មើលទៅស៊ីវិល័យឆើតឆាយ ស៊ិចស៊ីគួរឲ្យចាប់អារម្មណ៍គ្រប់ពេលតែម្ដង។ ក្នុងនោះដែរ បើក្រឡេកទៅមើលជីវិតឯកជនវិញ កញ្ញា ចាន់ ស្រីនាថ មានបងប្អូនស្រី៣នាក់ ដោយនាងក៏មានប្អូនស្រីពៅជាអ្នកសិល្បៈដូចនឹងនាងផងដែរ។

ពិតណាស់ បងប្អូនស្រីទាំង៣ កញ្ញា ចាន់ ស្រីនាថ កំពុងធ្វើឲ្យអ្នកលេងបណ្ដាញសង្គមជាច្រើនចាប់អារម្មណ៍លើរូបសម្ផស្សដ៏ស្រស់ស្អាត ដែលមើលទៅស្រស់សោភាមិនចាញ់គ្នាប៉ុន្មានឡើយ។ ម្យ៉ាងវិញទៀត ស្ទីលតែងខ្លួនរបស់អ្នកទាំងបី ក៏មើលទៅទាន់សម័យបែបយុវវ័យ គួរឲ្យទាក់ទាញខ្លាំង។ លើសពីនេះទៅទៀត គេចាប់អារម្មណ៍ឃើញទៀតថា អ្នកទាំងបីក៏មានភាពស្និទ្ធស្នាលជាមួយគ្នាដូចមិត្តភក្ដិជិតស្និទ្ធយ៉ាងដូច្នោះដែរ៕

សូមទស្សនារូបភាពខាងក្រោម៖