ខេត្តសៀមរាប ៖ ស្រ្តីជាប់ចោទលួចទូរស័ព្ទដៃមួយគ្រឿងម៉ាក NOKIA នៅក្នុងផ្សារលើធំថ្មី ត្រូវប្រជាពលរដ្ឋឃើញក៏ទម្លាក់ចោលរួចរត់គេចតែត្រូវ សន្តិសុខផ្សារចាប់ជាប់ រួចបញ្ជូនទៅកាន់ប៉ុស្តិ៍ស្លក្រាម កាលពីវេលាម៉ោង៨និង៣០នាទីព្រឹក ថ្ងៃទី២០ មេសា ។
លោកអនុសេនីយ៍ត្រីរិន ម៉ុន នាយប៉ុស្តិ៍រដ្ឋបាលស្លក្រាម ប្រាប់អ្នកយកព័ត៌មានថា ស្ត្រីសង្ស័យឈ្មោះកែវ ស្រស់ អាយុ៤៩ឆ្នាំ មានលំនៅក្នុងភូមិនរា ឃុំនរា ស្រុកសង្កែ ខេត្តបាត់ដំបង ។ ស្ត្រីនេះសារភាពថាធ្លាប់លួចគេក្នុងផ្សារសរុបចំនួន១០លើក ក្នុងនោះនៅផ្សារច្បារអំពៅ រាជធានីភ្នំពេញ ចំនួន៨លើក និងនៅខេត្តសៀមរាបក្នុងផ្សារលើចំនួន២លើក ។ លើកទី១-នៅឆ្នាំ២០០៩ ក្នុងផ្សារច្បារអំពៅ បន្លំលួចត្រីបានចំនួន២គីឡូក្រាម ។ លើកទី២ឆ្នាំដដែល បន្លំលូកយកទូរស័ព្ទដៃម៉ាក NOKIA ១គ្រឿង ។ លើកទី៣បន្លំលួចយកស្ពៃក្តោប៥គីឡូក្រាម ។ លើកទី៤បន្លំលួចយកទូរស័ព្ទដៃអ្នកលក់ត្រីតែត្រូវគេចាប់ជាប់ ប្រគល់ឱ្យសមត្ថកិច្ច ខណ្ឌច្បារអំពៅ តែបន្ទាប់ពីអប់រំ និងព្រមានក៏ដោះលែងវិញ ។ លើកទី៥បន្លំលួចយកស្ពៃក្រញាញ់បាន៣គីឡូក្រាមយកទៅលក់ក្នុង ផ្សារស្ទឹងមានជ័យ ។ លើកទី៦នៅចុងឆ្នាំ២០១១ បន្លំលួចយកបន្លែឆៃថាវបាន២គីឡូក្រាមយកទៅហូបខ្លួនឯង ។ លើកទី៧ និងទី៨ នៅចុងឆ្នាំ២០១១ និងដើមឆ្នាំ២០១២ បន្លំយកបន្លែខាត់ណាបាន៨គីឡូក្រាមយកទៅលក់នៅផ្សារស្ទឹងមានជ័យ ។ លើកទី៩មកដល់ខេត្តសៀមរាបចូលផ្សារត្រីលួចបានត្រី៣គីឡូ ក្រាមយកទៅហូបជាមួយបងប្អូន ។
លើកទី១០នៅថ្ងៃទី២០ មេសា វេលាម៉ោង៣រំលងអធ្រាត្រធ្វើដំណើរពីភូមិនរា ឃុំនរា ស្រុកសង្កែ ខេត្តបាត់ដំបងដល់ខេត្តសៀមរាបម៉ោង៨និង៣០នាទីព្រឹក ចូលផ្សារលើធំថ្មីកន្លែងលក់ត្រីបន្លំបើកគន្លឹះកាបូបគេលួចយក ទូរស័ព្ទដៃ៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]