អង់គ្លេស៖ លោកគ្រូបង្វឹក Ole Gunnar Solskjaer បាននិយាយថាខ្សែប្រយុទ្ធ Marcus Rashford អាចនឹងបង្ហាញមុខលើទីលានវិញនៅខែក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Rashford បានឆ្លងកាត់ការវះកាត់របួសត្រង់ស្មាក្រោយចប់ព្រឹត្តិការណ៍បាល់ទាត់ Euro 2020 ហើយបច្ចុប្បន្នការព្យាបាលរបស់គេបានដំណើរការយ៉ាងរលូននិងត្រូវបានគេរំពឹងទុកថានឹងឆាប់ជាសះស្បើយមុនពេលកំណត់។
នៅពេលនេះកីឡាករសញ្ជាតិអង់គ្លេសរូបនេះបានវិលត្រឡប់មកហ្វឹកហាត់វិញហើយ តែអាចនឹងវិលចូលទីលាននៅចុងខែតុលាហើយក្រៅពីនោះលោកគ្រូក៏បានបង្ហើបថា Alex Telles ក៏ជិតនឹងវិលត្រឡប់មកវិញដែរ។
លោកគ្រូ Solskjaer បានថ្លែងប្រាប់គេហទំព័រផ្លូវការរបស់ Manchester United ថា៖
គ្រប់យ៉ាងគឺល្អខ្លាំងណាស់ ពួកគេពិតជាខិតខំប្រឹងប្រែងណាស់ Alex គឺអាចនឹងជាសះស្បើយលឿនជាង Marcus ។ ខ្ញុំមិនគិតថាអ្នកនឹងបានឃើញ Marcus ឆាប់ៗនេះទេគឺប្រហែលបន្ទាប់ពីការសម្រាកប្រកួតឲ្យក្រុមជម្រើសជាតិ។ ប៉ុន្តែ Alex កំពុងធ្វើបានល្អនិងអាចមានមុខក្នុងក្រុមឆាប់ៗ។
ប្រភព៖ thesun
Bong I.T