អង់គ្លេស៖ អតីតកីឡាករជម្រើសជាតិអង់គ្លេសលោក Shaun Wright-Phillips ជឿជាក់ថា Chelsea នឹងក្លាយជាម្ចាស់ជើងឯកក្របខណ្ឌ Premier League នៅក្នុងរដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ តោខៀវ ដែលខកខានឈ្នះពានរង្វាន់ Premier League តាំងពីឆ្នាំ២០១៦ កំពុងចាប់ផ្តើមការលេងបានល្អនៅក្នុងរដូវកាលនេះដោយឆ្លងកាត់៥សប្តាហ៍ មានឈ្នះបួន និង ស្មើមួយ កំពុងឈរលើកំពូលតារាង ហើយ ទម្រង់លេងល្អនេះទៀតសោតធ្វើឲ្យលោក Phillips គិតថា ពួកគេជាម្ចាស់ជើងឯកនៅក្នុងរដូវកាលនេះ។
លោក Phillips បាននិយាយថា៖
ខ្ញុំសូមនិយាយឲ្យស្មោះត្រង់ទៅចុះ ខ្ញុំគិតថា Chelsea នឹងបំបាក់ Man City ដើម្បីគ្រងជើងឯក Premier League។ ពួកគេមិនចាំបាច់បង្ហាញទម្រង់លេងល្អដើម្បីដណ្តើមបានបីពិន្ទុនោះទេ ហើយ វាមិនគួរឲ្យជឿដែលលោក Thomas Tuchel តែងតែនិយាយថា ក្រុមមិនទាន់លេងបានល្អនៅឡើយទេ៕
ប្រភព៖ metro
Bong I.T