រាជធានីភ្នំពេញ ៖ បុរសស្រវឹងម្នាក់បានបើកម៉ូតូមួយគ្រឿងម៉ាក SUZUKI BEST ពណ៌ក្រហម ទៅបុកម៉ូតូស្គូពីមួយគ្រឿងបើកបរដោយបុរសម្នាក់ធ្វើដំណើរ បញ្ច្រាសទិសគ្នា ហើយម្ចាស់ម៉ូតូបង្កមិនព្រមនិយាយរកខុសរកត្រូវនោះទេ បែរជាស្ទុះទៅវាយម្ចាស់ម៉ូតូស្គូពីថែមទៀត បណ្តាលឱ្យបែកចិញ្ចើមខាងឆ្វេង និងភ្លាមៗនោះប្រជាពលរដ្ឋឃាត់ខ្លួនជនដៃដល់ទុកប្រគល់ជូន ប៉ូលិស ប៉ុន្តែប៉ូលិសមិនទទួលទេ ធ្វើឱ្យជនដៃ ដល់រត់បាត់ ។ ចំណែកប៉ូលិសចរាចរនិយាយថា ខ្លួនអត់មានសិទ្ធិឃាត់មនុស្សទេ គឺមានសិទ្ធិឃាត់តែយានយន្តប៉ុណ្ណោះ ។
ហេតុការណ៍គ្រោះថ្នាក់ចរាចរណ៍នេះកើតឡើង កាលពីវេលាម៉ោង១០និង៤៥នាទីយប់ថ្ងៃទី១៩ មេសា ២០១២ តាមបណ្តោយផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ ។ យោងតាមសម្តីរបស់ជនរងគ្រោះឈ្មោះសែម ធឿង ភេទប្រុស អាយុ២៤ឆ្នាំ ជាបុគ្គលិកក្រុមហ៊ុនស្នាក់នៅភូមិទឹកថ្លា សង្កាត់ទឹកថ្លា ខណ្ឌសែនសុខ បានឱ្យដឹងថា មុនពេលកើតហេតុខ្លួនបើកម៉ូតូម៉ាកស្គូពីពណ៌ស ពីកើតទៅលិចបញ្ច្រាសផ្លូវ។ លុះមកដល់ចំណុចកើតហេតុក៏ត្រូវម៉ូតូ SUZUKI BEST ពណ៌ក្រហម បើកបរដោយបុរសម្នាក់ទំនងជាស្រវឹងផងមកបុកគាត់ចំពីមុខពេញទំហឹង បណ្តាលឱ្យម៉ូតូទាំងសងខាងរងការខូចខាតបន្តិចបន្តួច តែភ្លាមៗនោះម្ចាស់ម៉ូតូ SUZUKI BEST មិនព្រមសួររកខុសត្រូវទេ បែរជាស្ទុះមកវាយទាំងកំរោល បណ្តាលឱ្យគាត់បែកចិញ្ចើមខាងឆ្វេងបន្តិច ។ ខណៈនោះស្ត្រីម្នាក់ដែលជាអ្នកលក់បង្អែមនៅក្បែរនោះឃើញបាន រត់ទៅឃាត់ក៏ត្រូវបុរសម្នាក់នោះវាយមួយដៃចំកណ្តាលមុខទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
