អាមេរិក៖ ស្ត្រីម្នាក់មកពីរដ្ឋ Connecticut នៃសហរដ្ឋអាមេរិក មានមាត់យ៉ាងធំ ដែលបានជាប់ឈ្មោះនៅក្នុងកំណត់ត្រាពិភពលោកហ្គីនណេស ជាមនុស្សមាត់ធំផ្នែកស្ត្រី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនាង Samantha Ramsdell អាយុ៣១ឆ្នាំ បានបង្កឲ្យមានភាពល្បីល្បាញ កាលពីឆ្នាំមុនកន្លងទៅនេះ ដោយសារតែមាត់ដ៏ធំរបស់នាង ដែលរង្វះមាត់មានប្រវែង៦.៥សង់ទីម៉ែត្រ។ លុះមកដល់ខែមករា នាងនិងក្រុមការងារខាងកំណត់ត្រាពិភពលោកហ្គីនណេស បានទាក់ទងជាមួយគ្នា ហើយនៅខែកក្កដា មានការវាស់វែងជាច្រើនដង ដើម្បីបញ្ជាក់ថានាងមិនមានការវះកាត់ធ្វើឲ្យមាត់ធំឡើយ ដែលវាធំដោយធម្មជាតិប៉ុណ្ណោះ។
យ៉ាងណាមិញ កាលពីនាងនៅក្មេងធ្លាប់ត្រូវបានគេសើចចំអកពីទំហំមាត់ដ៏ធំនេះដែរ ហើយមកទល់សព្វថ្ងៃនេះ មានមនុស្សចំនួនតូចគិតថាមាត់របស់នាងធំគួរឲ្យខ្លាចផងដែរ តែនាងមិនបានខ្វល់ទេ ព្រោះឥលូវនេះនាងបានទទួលការចាប់អារម្មណ៍ខ្លាំងនៅលើបណ្ដាញសង្គមដោយសារតែមាត់៕
ប្រភព: Daily Mail