រាជធានីភ្នំពេញ ៖ បុរសអ្នកទេសចរជនជាតិអេស្ប៉ាញម្នាក់ត្រូវជនសង្ស័យពីរនាក់ ជិះម៉ូតូធ្វើសកម្មភាពឆក់យកកាបូបលុយ ហើយរត់គេចខ្លួនបាត់ ដោយសុវត្ថិភាព មិនរំខានដល់នគរបាលឡើយ ខណៈបុរសខាងលើកំពុងឈរទិញទឹកអំពៅនៅចំណុចកែងផ្លូវលេខ៦៣ និងលេខ១៤២ ស្ថិតនៅក្នុងសង្កាត់ផ្សារថ្មីទី១ ខណ្ឌដូនពេញ កាលពីវេលាម៉ោង៣និង៤៥នាទីរសៀលថ្ងៃទី១៩ មេសា ២០១២ ។
សាក្សីបាននិយាយថា មុនពេលកើតហេតុគេឃើញជនបរទេសម្នាក់ជិះកង់ម្នាក់ឯងមកឈប់នៅ ចំណុចកែងផ្លូវលេខ៦៣ និងលេខ១៤២ ស្ថិតក្នុងសង្កាត់ផ្សារថ្មីទី១ ខណ្ឌដូនពេញ ដើម្បីទិញទឹកអំពៅ ខណៈនោះក៏មានយុវជនស្ទាវពីរនាក់ជិះម៉ូតូម៉ាកឌ្រីមសេ១២៥ ពណ៌ខ្មៅ មកឈប់ក្បែរជនបរទេសនោះ ហើយធ្វើសកម្មភាពឆក់យកកាបូបលុយបានសម្រេចរួចនាំគ្នាបើកម៉ូតូ គេចបាត់ស្រមោលតែម្តង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]