ឧស្សាហ៍ណាស់! អង្គុយឡាយរាប់គ្រាប់អង្ករ រហូតដល់ដឹងចំនួន (មានវីដេអូ)

វៀតណាម៖ បុរសម្នាក់ មកពីប្រទេសវៀតណាម បានបង្កឲ្យមានការចាប់អារម្មណ៍យ៉ាងខ្លាំងនៅលើបណ្ដាញសង្គម ដែលរូបគាត់បានអង្គុយឡាយ រាប់គ្រាប់អង្កររហូតដល់ដឹងចំនួន។

បុរសខាងលើ បានអង្គុយម្នាក់ឯង ដោយមានអង្ករមួយថាសពីមុខ និងរាប់ម្ដងមួយគ្រាប់ៗ ខណៈមានអ្នកកំពុងទស្សនាតាមរយៈការឡាយចំនួនជាង៦,០០០នាក់ឯណោះ។ ទន្ទឹមនឹងនេះដែរ មានអ្នកទស្សនាមួយចំនួន បានបញ្ចេញមតិដោយលើកឡើងថា ពួកគេមានអារម្មណ៍ហត់នឿយជំនួស ដោយសារតែការរាប់គ្រាប់អង្ករពិតជាមានភាពធុញទ្រាន់ណាស់ និងយូរម៉ោង តែទោះជាយ៉ាងណាក៏ដោយ ក៏ពួកគេបានលើកទឹកចិត្តឲ្យបន្ដរាប់ទៀតផងដែរ។

យ៉ាងណាមិញ ក្រោយពីខិតខំព្យាយាម និងអត់ធ្មត់ ហើយចំណាយពេលជាច្រើនម៉ោងរួចមក ទីបំផុតក៏បានដឹងចំនួនគ្រាប់អង្ករ ដែលមានចំនួន៥១,៣៤៨គ្រាប់។ ចំពោះវីដេអូឃ្លីបខ្លីមួយ ត្រូវបានគេកាត់និងយកទៅបង្ហោះចែកចាយលើបណ្ដាញសង្គម Tik Tok ដោយទទួលបានអ្នកចុចចូលទស្សនា២លានដងឯណោះ៕

សូមទស្សនារូបភាពនិងវីដេអូខាងក្រោម៖

ប្រភព: khaosod / Tik Tok