កម្សាន្ត៖ មនុស្សប្រុសម្នាក់ៗតែងតែស្រលាញ់ចង់បានប្រពន្ធដែលមានមុខមាត់ស្រស់ស្អាត រូបរាងស្រឡូន មើលទៅទាក់ទាញ។ ជាការពិតណាស់រូបរាងមនុស្សគ្រប់រូបមិនអាចនៅស្រស់ស្អាតបានជារៀងរហូតនោះទេ រាងកាយតែងតែប្រែប្រួលទៅតាមពេលវេលា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ដូចគ្នានេះដែរ តារាសម្ដែងជនជាតិអាមេរិក លោក Pierce Brosnan ដែលជាតួអង្គ James Bond បានរៀបការជាមួយ Keely shaye smith កាលពីឆ្នាំ ២០០១ ។ Keely គឺជាតារាសម្ដែង អ្នកនិពន្ធដ៏មានទេពកោសល្យមួយរូប ចំណែកឯសម្រស់របស់នាងកាលពីរៀបការថ្មីថ្មោង ស្រស់ស្អាតសាកសមគ្នាជាមួយ Pierce Brosnan មែនទែន។
ប៉ុន្ដែរូបរាងស្រឡូនរបស់នាងមិនអាចរក្សាឲ្យនៅស្គមដូចមុននោះទេ បច្ចុប្បន្នភរិយារបស់តារាសម្ដែងរូបនេះ បាក់សម្រស់ ផ្លាស់ប្ដូរសឹងនឹងមើលមិនស្គាល់។ ជាក់ស្ដែងមកដល់សព្វថ្ងៃនាង Keely តែងតែទទួលបានការមើលងាយពីសំណាក់មហាជនទៅលើរូបរាងរបស់នាង។
មិនតែប៉ុណ្ណោះ មានសារព័ត៌មានជាច្រើនបានចោទសួរទៅកាន់តួអង្គ James Bond នេះជាញឹកញាប់ អំពីអារម្មណ៍ពិតរបស់លោកនៅពេលដែលឃើញរូបរាងប្រពន្ធសម្លាញ់ប្រែប្រួលបែបនេះ។ ចម្លើយរបស់លោក បានធ្វើឲ្យមហាជនរំភើបជាខ្លាំង៖
តាមពិតទៅកន្លងមក មិត្តភ័ក្ក្រ របស់នាង បានណែនាំនាង ឱ្យធ្វើការវះកាត់ដើម្បីសម្រកទំងន់របស់នាង ប៉ុន្តែខ្ញុំពិតជាស្រលាញ់ខ្លាំងណាស់ចំពោះរាងកាយធម្មជាតិដែលនាងមានសព្វថ្ងៃនេះ នាងគឺជាស្ត្រីដ៏ស្រស់ស្អាតបំផុតនៅក្នុងភ្នែកខ្ញុំ ហើយជាពិសេសនាងជាម្តាយបង្កើតកូនៗរបស់ខ្ញុំ។ កាលពីចាប់ផ្តើមអាពាហ៍ពិពាហ៍ដំបូងៗ ខ្ញុំពិតជាស្រឡាញ់នូវអ្វីៗដែលនាងមាន ហើយការស្រឡាញ់នោះមិនមែនចំពោះតែសម្រស់ដ៏ស្រស់ផូរផង់របស់នាងនោះទេ ហើយរហូតមកដល់បច្ចុប្បន្នខ្ញុំរិតតែស្រឡាញ់គាត់លើសមុនទៅទៀតព្រោះគាត់ជាម្តាយបង្កើតកូនៗទាំង ៥ នាក់ របស់ខ្ញុំ គាត់បានមើលថែគ្រួសារមួយនេះបានយ៉ាងល្អបំផុត ខ្ញុំពិតជាមានមោទនភាពចំពោះនាងណាស់ ហើយខ្ញុំតែងតែស្វែងរកភាពសក្តិសមដ៏ល្អបំផុតសំរាប់តួនាទីជាប្តីរបស់នាង និង ស្នេហារបស់នាងដែលមានចំពោះខ្ញុំ។
បន្ទាប់លោកបាននិយាយបែបនេះរួច អ្នកគាំទ្រទូទាំងពិភពលោកមានការគោរពនឹងកោតសរសើចំពោះក្ដីស្រលាញ់ដ៏ស្មោះត្រង់ ដោយមិនគិតពីរូបសម្រស់ទៅកាន់ភរិយា Keely shaye smith បើទោះបីជានាងធាត់នឹងត្រូវគេចម្អកមើលងាយយ៉ាងណាក៏ដោយ៕
ប្រភព៖ Baby Love Shop
Bong I.T