ញាប់ញ័រណាស់ អាយដល Park Seo Joon ត្រូវបានគេរាយការណ៍ថា ចូលរួមសម្ដែងជាតួសំខាន់ក្នុង The Marvels

កម្សាន្ត៖ ហ្វេនៗកំពុងរងចាំអ៊ុតមើល បន្ទាប់ពីទទួលបានដំណឹងល្អមកថា បុរសសង្ហារ Park Seo Joon នឹងចូលរួមសម្ដែងនៅក្នុងភាពយន្តលំដាប់ហូលីវូដដ៏ល្បីល្បាញ The Marvels ។ Park Seo Joon គឺជាតារាសម្ដែង ជនជាតិកូរ៉េ ដែលមានកេរ្តិ៍ឈ្មោះល្បីនៅក្នុងវិស័យខ្សែភាពយន្តភាគកូរ៉េ ។

តារាសម្ដែងប្រុសរូបនេះ តែងតែទទួលបានការស្រលាញ់គាំទ្រជាខ្លាំងពីសំណាក់អ្នកទស្សនាក្រៅប្រទេសជាច្រើនផងដែរ។ លើសពីនោះ លោកនឹងលេចមុខនៅក្នុងខ្សែភាពយន្តហូលីវូដលំដាប់កំពូល The Marvels ដែលធ្វើឲ្យអ្នកគាំទ្រនៅរំភើបជាខ្លាំង និងចង់ឃើញទេពកោសល្យសម្ដែង Seo Joon ក្នុងពេលឆាប់ៗ។

កាលពីពេលថ្មីៗនេះ ប្រភពព័ត៌មានបានរាយការណ៍មកថា Park Seo Joon នឹងចូលរួមសម្ដែងនៅក្នុងភាពយន្តមួយនេះពិតមែន។ បន្ថែមពីនោះ លោកបានបញ្ជាក់ថា ខ្លួនជាតួសំខាន់នៅក្នុងរឿង ឈ្មោះថា Amadeus Cho ដែលមានសញ្ជាតិកូរ៉េ កាត់អាមេរិក ហើយនឹងជាមិត្តជិតស្និតនឹង តួអង្គ Hulk ។ 

យោងតាមដំណឹងនេះ បានធ្វើឲ្យហ្វេនៗទូទាំងពិភពលោកកាន់តែរំភើបញប់ញ័រ ចង់តាមដានរឿងមួយនេះឆាប់ៗ។ បន្ថែមពីលើនោះ ខ្សែភាពយន្តនេះនឹងត្រៀមចាក់បញ្ជាំងនៅថ្ងៃទី១១ ខែវិច្ឆិកា ឆ្នាំ២០២២ ខាងមុខនេះ៕

ប្រភព៖ Kyeopta Chingu Update