បរទេស៖ Memphis Depay ជឿជាក់យ៉ាងមុតមាំថា គាត់, Lionel Messi និង Sergio Aguero នឹងអាចក្លាយជាដៃគូរដ៏ខ្លាំងក្លាក្នុងនាមជាខ្សែប្រយុទ្ធនៅ Barcelona បាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួរបញ្ជាក់ថា កីឡាករសញ្ជាតិ ហូល្លង់ បានផ្ទេរចេញពីក្រុម Lyon មកចូលរួមជាមួយក្លិបយក្សដែលមានមូលដ្ឋាននៅតំបន់ កាតាឡាន់ ដោយគ្មានតម្លៃខ្លួន ខណៈ Aguero វិញត្រូវបាន Barca ផ្ទេរចេញពីក្រុម Manchester City ដោយគ្មានតម្លៃខ្លួនដូចគ្នា។
ជាមួយគ្នានេះ Barcelona ក៏រំពឹងថានឹងអាចរក្សាតារាឆ្នើម Messi បានផងដែរ ស្របពេលដែលបច្ចុប្បន្នខ្សែប្រយុទ្ធសញ្ជាតិ អាហ្សង់ទីន បានផុតកុងត្រាជាមួយក្លិបម្ចាស់ពាន Champions League ៥ សម័យបាត់ទៅហើយ។
ថ្លែងប្រាប់គេហទំព័រ Sport, Depay បាននិយាយយ៉ាងដូច្នេះថា៖
វាគឺជារឿងដ៏អស្ចារ្យដែលអាចលេងជាមួយនឹង Messi។ ខ្ញុំសង្ឃឹមថាវានឹងអាចទៅរួច។ គាត់មានគុណសម្បត្តិពេញលេងដែលក្រុមត្រូវការ ហើយវាគឺសំខាន់ណាស់ដើម្បីកសាងក្រុមមួយ។ យើងមានខ្សែប្រយុទ្ធជាច្រើន, ប៉ុន្តែតាមគំនិតរបស់ខ្ញុំគឺវាមានសភាពខុសគ្នា។ ជាឧទាហរណ៍ ខ្ញុំមានសមត្ថភាព និងចំណុចខ្លាំងខុសពី Sergio Aguero ឬក៏កីឡាករដ៏ទៃទៀត។ ខ្ញុំគិតថា យើងទាំង ៣ នាក់គឺត្រូវគ្នា, ប៉ុន្តែយើងនឹងរង់ចាំមើលថាតើមានអ្វីកើតឡើង៕
ប្រភព៖ Goal
Bong I.T