ហ្វេនៗកំពុងបារម្ភខ្លាំង ខ្លាចរឿងថ្មីរបស់ Yang Zi អាចនឹងមិនចាក់ផ្សាយ ព្រោះមានការចូលរួមសម្តែងជាមួយ Kris Wu

ចិន៖ កាលពីថ្ងៃទី ២២ ខែកក្កដា ស៊ីណាបានរាយការណ៍ថារឿងអាស្រូវផ្លូវភេទ មិនត្រឹមតែបង្កឱ្យមានហានិភ័យ នៃអាជីពសិល្បៈរបស់តារាសម្តែង Kris Wu ប៉ុណ្ណោះទេ ប៉ុន្តែថែមទាំងធ្វើឱ្យប៉ះពាល់ដល់សិល្បករមួយចំនួនដែលមានការងាររួមជាមួយអតីតសមាជិក EXO នេះថែមទៀតផង។

ជាក់ស្តែង គម្រោងថ្មីជាច្រើន ក៏ដូចជា ការងារដែលធ្វើការរួមសហកា ជាមួយតារាប្រុសរូបនេះ ត្រូវបានលុបចោលភ្លាមៗតែម្តង បន្ទាប់ពីរឿងរ៉ាវស្រពិចស្រពិលមិនទាន់ដឹង រកខុសត្រូវនៅឡើយ តែបានបណ្តាលឱ្យកិច្ចខិតខំប្រឹងប្រែងរបស់លោក ដែលបានសាងប៉ុន្មានឆ្នាំចុងក្រោយ ត្រូវបានរលាយក្នុងមួយពព្រិចភ្នែក។

តួយ៉ាង កាលពីថ្មីៗនេះ មានមហាជន ក៏ដូចជាហ្វេនៗ របស់តារាសម្តែងស្រីកំពុងមានប្រជាប្រិយ Yang Zi កំពុងមានការព្រួយបារម្ភជាខ្លាំងថា រឿងដែលមានចំណងជើងថា «Golden Hairpin» ដែលជាគម្រោងធំ នៃរឿងបុរាណលើកដំបូងនៅក្នុងព្រឹត្តិការណ៍ប្រចាំឆ្នាំរបស់ Tencent Video វាអាចនឹងមានផលប៉ះពាល់ នឹងមិនអាចចាក់ផ្សាយ ដោយសារតែរឿងអាស្រូវផ្លូវភេទ របស់តារាប្រុស Kris Wu ដែលបានចូលរួមសម្តែងភាគមួយនេះ។

ទោះជាយ៉ាងណា បច្ចុប្បន្ន តារាប្រុសវ័យ ៣០ឆ្នាំរូបនេះ កំពុងស្ថិតក្រោមការស៊ើបអង្កេតរបស់អាជ្ញាធរ។ រដ្ឋបាលកណ្តាលវិទ្យុភាពយន្តនិងទូរទស្សន៍ បានធ្វើការយ៉ាងសស្រាកសស្រាង ជុំវិញបញ្ហា អំពីរឿងអាស្រូវរបស់តារាចម្រៀងប្រុសរូបនេះដូច្នេះដែរ៕

ប្រភព៖ zingnews.vn

សូមទស្សនារូបភាពខាងក្រោម៖