សប្បាយអរពេក! ឥលូវក្រុមជម្រើសជាតិមួយនេះត្រូវគេស្តីបន្ទោសរឿងធ្វើឲ្យមានការផ្ទុះឡើងនៃជំងឺកូវីដ១៩

អ៊ីតាលី៖ ខាងអង្គការសុខភាពប្រចាំនៅប្រទេសអ៊ីតាលី បានបន្ទោស ក្រុមជម្រើសជាតិអ៊ីតាលី ដែលបានដង្ហែពាន Euro 2020 ជុំវិញទីក្រុងរ៉ូមថាពួកគេជាដើមហេតុធ្វើឲ្យមានការជួបជុំអ្នកគាំទ្រយ៉ាងកុះកររហូតធ្វើឲ្យអ្នកធ្វើតេស្តេវិជ្ជមានវីរុសកូវីដ១៩កើនឡើងយ៉ាងគំហុក។

ក្រុមជម្រើសជាតិអ៊ីតាលី បានយកឈ្នះ អង់គ្លេស នៅវគ្គផ្ដាច់ព្រ័ត្រ និងក្លាយជាម្ចាស់ពាន Euro 2020 ក្រោមការសាទររបស់ប្រជាជនអ៊ីតាលីយ៉ាងច្រើនហើយពួកគេក៏បានជិះឡានក្រុងដង្ហែពាននៅថ្ងៃទី១២ខែកក្កដាកន្លងទៅនេះដោយមានអ្នកចូលរួមអបអរសាទរច្រើនណែនណាន់តាន់តាប់។

លោក Alessio D'Amato ដែលជាមេរបស់អង្គការសុខភាពប្រចាំតំបន់ Lazio បានបង្ហើបថាវាជាការធ្វេសប្រហែសមួយរបស់សហព័ន្ធកីឡាបាល់ទាត់អ៊ីតាលីដែលបណ្ដោយឲ្យមានការជួបជុំបែបនេះកើតឡើងបើទោះបីជាស្ថានភាពជំងឺកូវីដ១៩នៅអ៊ីតាលីត្រូវគេគ្រប់គ្រងបានហើយក៏ដោយ។

គិតត្រឹមថ្ងៃអង្គារ កន្លងទៅគឺមានអ្នកឆ្លងជំងឺកូវីដ១៩បន្ថែមសរុប៦៨១នាក់ នៅក្រុងរ៉ូម ទាំងដែលមុនការដង្ហែពានមួយថ្ងៃគឺថ្ងៃទី១១ខែកក្កដា មានអ្នកឆ្លងតែ១៦៥នាក់ប៉ុណ្ណោះ ប៉ុន្តែគេមិនបានដឹងទេថាអ្នកឆ្លងកូវីដ១៩ដែលបានចូលរួមក្នុងការដង្ហែពាននេះមានប៉ុន្មាននាក់៕

ប្រភព៖ thesun