ភ្នំពេញ ៖ បុរសជនជាតិចិនម្នាក់រួមដំណើរជាមួយមនុស្សប្រុសស្រី៣នាក់ បានបើករថយន្តប្រាដូក្នុងល្បឿនលឿនហើយចាក់គួរបុកក្បាលរបាំងចែកទ្រូងផ្លូវក្រឡាប់ផ្ងារជើងប៉ុន្តែមិនបណ្ដាលឲ្យអ្នកណាម្នាក់រងរបួសឡើយ។
គ្រោះថ្នាក់ចរាចរនេះបានកើតឡើងកាលពីវេលាម៉ោង ៩ និង ១៥នាទីយប់ថ្ងៃទី ១០ ខែ មករា ឆ្នាំ ២០១២ នៅចំណុច ផ្លូវ សីហនុ កែងនឹងផ្លូវ១៦៣ ត្រង់ចំណុច ភ្លើងស្តុបវត្តមហាមន្ត្រីសង្កាត់អូឡាំពិក ខណ្ឌចំការមន រាជធានីភ្នំពេញ។
រថយន្តបង្កម៉ាកប្រាដូ ពណ៌ខ្មៅ ពាក់ស្លាកលេខ ភ្នំពេញ 2A-5399 បើកបរដោយបុរសជនជាតិចិន និង អ្នករួមដំណើរប្រុសស្រី ចំនួន៣នាក់ មិនត្រូវបានគេស្គាល់អត្តសញ្ញាណឡើយ។ រថយន្តត្រូវសមត្ថកិច្ចស្ទូចយកទៅរក្សាទុកនៅសាលាដំបូង រាជធានីភ្នំពេញ។
សាក្សីនៅកន្លែងកើតហេតុបានឲ្យដឹងថាមុនពេលកើតហេតុគេឃើញរថយន្តប្រាដូ បង្កហេតុ បើកតាមបណ្ដោយផ្លូវ ១៦៣ ពីជើងទៅត្បូង ក្នុងល្បឿនលឿន លុះដល់ចំណុចភ្លើងស្តុប វត្តមហាមន្ត្រី ក៏បត់ចាក់គួរទៅឆ្វេងដៃ ទៅផ្លូវសីហនុ ក៏បុកក្បាលនាគរបាំងចែកទ្រូងផ្លូវបណ្ដាលឲ្យរថយន្តក្រឡាប់ផ្ងារជើងម្ខាង។ សាក្សីបន្តថា ក្រោយពេលកើតហេតុជនជាតិចិនមានប្រុស២នាក់ ស្រី២នាក់ បាននាំគ្នាវាចេញ មកក្រៅ មើលទៅនឹកហួសចិត្តប៉ុន្តែពុំបណ្ដាលឲ្យអ្នកម្នាក់រងរបួសឡើយ។
រថយន្តត្រូវសមត្ថកិច្ចជំនាញយកទៅរក្សាទុកនៅសាលារាជធានីភ្នំពេញដើម្បីដោះស្រាយតាមផ្លូវច្បាប់។ គ្រោះថ្នាក់នេះបណ្ដាលឲ្យខូចបាក់ក្បាលនាគអស់មួយកង់ រថយន្តខូចខាតធ្ងន់ធ្ងរ៕
ដកស្រង់ពីគេហទំព័រ កម្ពុជាថ្មី
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
