បវរកញ្ញា រ៉េត សារីតា ស្លៀកឈុតប៊ីគីនីពណ៌ទឹកសមុទ្រ បង្ហាញរូបរាងដ៏ទាក់ទាញមិនធម្មតា (មានវីដេអូ)

សហរដ្ឋអាមេរិក៖ បច្ចុប្បន្នកម្មវិធីប្រកួតសម្រស់ថ្នាក់ពិភពលោក Miss Universe ប្រចាំឆ្នាំ ២០២០ បានកំពុងប្រព្រឹត្តទៅដែលមានវត្តមានរបស់កញ្ញា រ៉េត សារីតា បានចូលរួមជាអ្នកតំណាងឲ្យប្រទេសកម្ពុជា។

តួយ៉ាង ក្នុងអំឡុងពេលប្រកួតនេះឃើញមានវិញ្ញាសាប្លែកៗជាច្រើនពីមួយវគ្គទៅមួយវគ្គ។ ដោយមុននេះបន្តិចយោងតាមផេគហ្វ៊េសប៊ុក ASEAN Pageant ផ្លូវការបានបង្ហោះរូបលើវិញ្ញាសាឈុតប៊ីគីនីរបស់បវរកញ្ញាចំនួន ៩ ប្រទេស ដែលក្នុងនោះក៏មានប្រទេសកម្ពុជាយើងផងដែរ ដើម្បីឲ្យមហាជនមិត្ត និងអ្នកនិយមលេងបណ្តាញសង្គមទាំងអស់ធ្វើការបោះឆ្នោតគាំទ្រដល់បវរកញ្ញាប្រចាំប្រទេសនីមួយៗ។

យ៉ាងណាមិញ បើក្រឡេកទៅមើលឈុតប៊ីគីនីពណ៌ទឹកសមុទ្ររបស់ រ៉េត សារីតា ជាមួយនឹងការដើរបង្ហាញរូបរាងដ៏ទាក់ទាញ ព្រមទាំងមានភាពជឿជាក់ បានធ្វើឲ្យមហាជនស្ងើចសរសើរ ពិសេសមហាជនក៏បាននាំគ្នាចុច Like និង Share រូបថតរបស់នាងពេញបណ្តាញសង្គម Facebook ដើម្បីទទួលបានជ័យជំនះក៏ដូចជាកម្លាំងចិត្តសម្រាប់ រ៉េត សារីតា ផងដែរ។

គួររំឭកផងដែរថា កញ្ញា រ៉េត សារីតា ក៏ជាអតីត Freshie Girl ដែលបានប្រកួតនៅក្នុងឆ្នាំ ២០១៣ ពោលគឺជំនាន់ទី១២ ហើយក៏បានជម្រុញឲ្យតារាស្រីរូបនេះប្រឡូកក្នុងវិស័យសិល្បៈអាជីពជាតារាសម្តែង និងជាពិធីការិនីផងដែរ៕

ចង់ជ្រាបច្បាស់ សូមទស្សនារូបភាព និងវីដេអូខាងក្រោមនេះទាំងអស់គ្នា ៖