កូរ៉េខាងត្បូង៖ កាលពីថ្ងៃទី ១៤ ខែឧសភាផលិតកម្ម YG Entertainment បានប្រកាសកិច្ចសន្យាកុងត្រាផ្តាច់មុខ របស់អតីតសមាជិក Sandara ក្រុមចម្រៀង 2NE1 ត្រូវបានដល់ទីបញ្ចប់ បន្ទាប់ពីតារាស្រីរូបនេះ សម្រេចចិត្តមិនបន្តកុងត្រាបន្តទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះផងដែរផលិតកម្មយក្សមួយនេះ ក៏បានធ្វើសេចក្តីថ្លែងការណ៍មួយផងដែរ ដែលមានខ្លឹមសារដូចតទៅ៖
យើងសូមថ្លែងអំណរគុណយ៉ាងជ្រាលជ្រៅដល់ Sandara ដែលបាននៅជាមួយយើងអស់រយៈពេល ១៧ ឆ្នាំមកហើយ សម្រាប់ការជឿទុកចិត្ត និងជំនឿរបស់នាងចំពោះពួកយើងក្នុងអំឡុងពេលដែលជាសិល្បៈកររបស់ YG នឹងគាំទ្រនាងជានិច្ច។ យើងបានបង្កើតទំនាក់ទំនងរបស់យើងជាមួយនាងក្នុងឆ្នាំ ២០០៤ ហើយនាងបានចាប់ផ្តើមបង្ហាញខ្លួននៅឆ្នាំ ២០០៩ ជាមួយ 2NE1 ហើយបានផ្សព្វផ្សាយនៅក្នុងវិស័យផ្សេងៗដូចជាការសម្តែង ម៉ូត សម្ផស្ស ពិធីករ និងតន្ត្រីជាដើម។
ពួកយើងនឹងជួយជ្រោមជ្រែង បន្តការគាំទ្រ ក៏ដូចជាបន្តការជួយនាង ជាមួយការចាប់ផ្តើមជាថ្មីរបស់នាង។សូមអរគុណជាថ្មីម្តងទៀតចំពោះការស្រឡាញ់សិល្បៈកររបស់ផលិតកម្ម YG Entertainment គឺ Sandara Park។
សូមទស្សនារូបភាពខាងក្រោម៖
Bong I.T