Jadon Sancho និង Erling Braut Haaland សុតបញ្ចូលទីម្នាក់ពីរគ្រាប់ជួយឲ្យBorussia Dortmund ទទួលបានជ័យជម្នះទៅលើក្រុម RB Leipzig ៤ទល់នឹង១ និងគ្រោងជើងឯកពានរង្វាន់ German Cup 2021។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករសញ្ជាតិអង់គ្លេស Jadon Sancho បានសុតបញ្ចូលទីអោយDortmud បើកការនាំមុខនៅនាទីទី៥ រហូតដល់នាទីទី២៨ គីឡាករ Erling Braut Haaland បានប្រើបច្ចេកទេសទាញផុតខ្សែការពារ ហើយទាត់មួយជើងឆ្វេងបញ្ចូលទីគ្រាប់ទី២បានយ៉ាងល្អ។ការប្រកួតវគ្គទី១ជិតនឹងឈានដល់ការបញ្ចប់ នាទីទី៤៥+១ Sancho បានសុតគ្រាប់បាល់ទី៣អោយក្រុម និងជាគ្រាប់បាល់ទី២របស់ខ្លួនក្នុងការប្រកួតនេះផងដែរ។ចូលដល់វគ្គទី២ កីឡាករ Dani Olmo របស់RB Leipzig បានទាត់មួយជើងឆ្វេងពីក្រៅប្រអប់គ្រោះថ្នាក់បញ្ចូលទីបានយ៉ាងល្អដែលជាគ្រាប់បាល់ទី១របស់ Leipzig ក្នុងការវាយបកទៅលើ Dortmund។ទោះបីជាបាន១គ្រាប់យ៉ាងណាក្តី ស្ថានការណ៍ត្រូវបានតានតឹងសារជាថ្មីបន្ទាប់ពីបុរសសញ្ជាតិណរវែ Erling Braut Haaland បានទាត់មួយជើងឆ្វេងដោយប្រើបច្ចេកទេសយ៉ាងអស្ចារ្យដែលធ្វើឲ្យអ្នកចាំទីរបស់RB Leipzig មិនអាចជួយអ្វីបាន ហើយក៏ជាគ្រាប់បាល់ទី៤របស់Dortmund និងជាគ្រាប់បាល់ទី២របស់បុរសសញ្ជាតិណរវែក្នុងការប្រកួតនេះផងដែរ។
គួរបញ្ជាក់ផងដែរថាការឈ្នះពានកាលពីយប់មិញគឺជាការគ្រោងជើងឯកលើកទី៥របស់ Dortmund នៃពានរង្វាន់ German Cup ខណៈដែលលោក Julian Nagelsmann វិញបានត្រឹមតែខកចិត្តដែលមិនអាចជួយឲ្យ RB Leipzig ឈ្នះពានក្នុងការដឹកនាំវគ្គផ្តាច់ព្រ័តលើកចុងក្រោយរបស់ខ្លួនបានមុនពេលចាកចេញទៅដឹកនាំក្រុម Bayern Munich រដូវកាលក្រោយ៕