អង់គ្លេស៖ ក្លិប Manchester United បានប្រកាសជាផ្លូវការអំពីការចែកផ្លូវជាមួយ កីឡាករឈុតធំរបស់ខ្លួន ៣រូបដែលមានដូចជា Victor Lindelof, Christian Eriksen និង Johnny Evans ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ទាក់ទងនឹងរឿងខាងលើ ក្លិប Man UTD បានចេញសេចក្តីប្រកាសយ៉ាងដូច្នេះថា៖
ក្លិប Manchester United សុំបញ្ជាក់ថា Victor Lindelof, Christian Eriksen និង Jonny Evans នឹងចាកចេញពីក្លិបក្រោយចប់រដូវកាលនេះ។ ពួកយើងគ្រប់គ្នានៅ Man UTD សូមអរគុណដល់អ្នកទាំងបីចំពោះការរួមចំណែករបស់អ្នកទាំងអស់គ្នាអំឡុងពេលវេលានៅកីឡដ្ឋាន Old Trafford និង ជូនពរគ្រប់គ្នាទទួលបានសំណាងល្អនាពេលខាងមុខ៕
គួរបញ្ជាក់ផងដែរថា Lindelof បានចូលរួមជាមួយ Man UTD តាំងតែពីឆ្នាំ ២០១៧ ចំណែក Eriksen ចូលរួមក្នុងឆ្នាំ ២០២២ រីឯ Evans ត្រឡប់មកចូលរួមជាមួយក្រុមបិសាចក្រហមវិញជាលើកទីពីរក្នុងឆ្នាំ ២០២៣ ខណៈ អ្នកទាំងបីសុទ្ធតែអស់កិច្ចសន្យាកុងត្រាជាមួយក្រុមនាបញ្ចប់រដូវកាលនេះ៕
Bong I.T