កម្ពុជា៖ ចំណាប់អារម្មណ៍របស់លោក RYU HIROSE ដែលជាគ្រូបង្គោលរបស់ក្រុមជម្រើសជាតិកម្ពុជាទាក់ទងទៅនឹងការជ្រើសរើសកីឡាករដើម្បីត្រៀមការប្រកួតជម្រុះព្រឹត្តិការណ៍ World Cup ខាងមុខនេះ ហើយលោកបានថ្លែងថា៖ «វាជាការលំបាកណាស់ក្នុងការជ្រើសរើសកីឡាករក្នុងស្ថានភាពនេះ ដោយសារតែការប្រកួតលីគកំពូលកម្ពុជាត្រូវបានពន្យារពេល និងផ្លាស់ប្តូរ ដែលធ្វើឱ្យមានការលំបាកក្នុងការសម្រេចចិត្ត ជ្រើសរើសកីឡាករ។ នេះតាមតាមការឱ្យដឹងពីសហព័ន្ធកីឡាបាល់ទាត់កម្ពុជា (FFC) នៅព្រឹកថ្ងៃទី១៣ ខែឧសភា ឆ្នាំ២០២១»។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រូបង្គោលកម្ពុជាវ័យ៦៥ឆ្នាំរូបនេះបន្តបន្ថែមទៀតថា៖ «ពួកយើងបានទស្សនាការប្រកួតមួយចំនួនរួចមក យើងបានកត់សម្គាល់ឃើញថា ការបង្ហាញខ្លួនរបស់កីឡាករនៅមិនទាន់ល្អនៅឡើយទេ ប៉ុន្តែយើងសម្រេចចិត្តជ្រើសរើសកីឡាករ ដោយផ្អែកទៅលើសមិទ្ធផល ដែលពួកគេសម្រេចបានកន្លងមកដល់ពេលបច្ចុប្បន្ន និងជាកីឡាករ ដែលមានសក្តានុពលខ្ពស់ សម្រាប់ពេលអនាគត។ ពួកយើងមានភាពជឿជាក់លើកីឡាករដែលពួកយើងបានជ្រើសរើស»។
គ្រូបង្គោលជនជាតិជប៉ុន លោក Ryu Hirose បន្ថែមទៀថា៖ «ខ្ញុំចង់ឱ្យកីឡាករយើងខិតខំប្រឹងប្រែង និងប្រកួតប្រជែងឱ្យខ្លាំងទៅតាមលទ្ធភាព ដែលពួកគេអាចធ្វើបាន ជាពិសេសកីឡាករវ័យក្មេង ដើម្បីនាំយកបទពិសោធ និងទំនុកចិត្តត្រឡប់មកវិញ ដោយរំពឹងថានឹងមានការរីកចម្រើនបន្ថែមទៀតនៅពេលអនាគត»៕