មនុស្សមានមាត់ចាំតែនិយាយ ទោះដឹងថាវាគ្មានបានផលប្រយោជន៍អ្វីសោះក៏ដោយ អញ្ចឹងហើយ កុំខ្មាស់ ព្រោះតែពាក្យថាជា ស្ត្រីមេម៉ាយ កុំខ្វល់នឹងពាក្យចាស់ទំនៀមដែលពោលថា មេម៉ាយចំណាយមាត់ញាតិ ព្រោះសម័យនេះហើយ គេមិនខ្វល់រឿង ក្រមុំ ឬមេម៉ាយអីទៀតទេ សំខាន់មនុស្សស្រី មានចិត្តគំនិតល្អ ចរិតថ្លៃថ្នូរ រឹងមាំ មានមុខរបរ អាចរកស៊ី ធ្វើការ រកលុយបានដោយខ្លួនឯង ទោះមានឈ្មោះថាជាស្រីមេម៉ាយ តែមានសមត្ថភាព អាចរកស៊ីធ្វើការ រកលុយចិញ្ចឹមខ្លួនឯងបាន វាក៏ល្អជាង មានប្ដីនាំតែទុក្ខ មានតែបញ្ហា ហើយវាក៏ល្អជាងមនុស្សស្រីខ្លះ ដែលគ្មានធ្វើការរកស៊ីអី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមេម៉ាយអាចនឹងចំណាយមាត់ញាតិក៏ពិតមែន តែយ៉ាងណា ញាតិជិតខាងខ្លះ សូម្បីតែបងប្អូនមួយចំនួនរបស់យើងក៏ដោយ ក៏មិនមែនគេមកល្អល្អូកល្អើន និងឃើញពីតម្លៃ ឱ្យក្ដីស្រឡាញ់ អាណិតអាសូរដ៏ស្មោះចំពោះយើងនោះដែរ។
ដូច្នេះ មិនបាច់ខ្វល់ នឹងពាក្យសំដី មេម៉ាយចាយមាត់ញាតិ ឲ្យគេចង់និយាយអីក៏និយាយទៅព្រោះអ្នកដែលគេអត់ការងារធ្វើ ចេះតែចង់ឈ្នានីស ចេះតែមានរឿងនិយាយរហូត បើយើងដឹងហើយថាគេបែបនឹង ចូរអ្នកអភិវឌ្ឍន៍ខ្លួនឯង គ្រប់ផ្នែក គ្រប់វិស័យ ទាំងចំណេះដឹង មុខរបរ ការងារ ដែលយើងកំពុងស្ថិតនៅចំណុចនោះ ដើម្បីបង្ហាញថា យើងអាចឈរបាន ទោះបីគ្មានវត្តមានរបស់គេ យើងអាចចិញ្ចឹមកូនបាន អាចដើតួជាបុរសផង ជានារីផង យើងអាចតស៊ូបាននូវផ្លូវដ៏រអិលមួយនេះ ទោះបីជាត្រូវរងព្យុះភ្លៀងអ្វីក៏ដោយ។
ម្យ៉ាងវិញទៀត អ្នកត្រូវទទួលស្គាល់ការពិត មនុស្សយើងទាល់តែទទួលស្គាល់ការពិតទើបអភិវឌ្ឍន៍ខ្លួនឯងបាន ទទួលស្គាល់ថាហេតុអីចំណុចអី ជួនកាលមិនមែនមកពីយើងមិនល្អនោះទេ គេស្រឡាញ់ផ្កាអ័រគីដេ យើងជាផ្កាកុលាប ដូច្នេះយើងមិនអាចជាជម្រើសរបស់គេបានទេ អាចនិយាយបានថា កាលពីមុនគេមិនទាន់ស្គាល់ខ្លួនគេទើបគេវង្វេងជាមួយយើងអស់ប៉ុន្មានឆ្នាំទៅ។
ហើយការឈឺចាប់នោះក៏ត្រូវការចំណាតពេលវេលា ប្រៀបដូចយើងមុតដៃ បើសិនជាអ្នកមុតតិចក៏វាឆាប់បាត់ទៅតាមនឹងដែរ អញ្ចឹងវាក៏ដូចគ្នារបួសស្នាមនៃការលេងលះវាអញ្ចឹងដែរ បើសិនជាយើងរស់នៅមិនចុះសម្រុងគ្នា យើងប្រាកដក្នុងចិត្តថាមិនអាចរស់នៅបន្តទៅមុខទៀតបាន មានតែសម្រេចចិត្តលេងលះ កុំឲ្យខាតពេលវេលាទាំងសងខាង បំផ្លាញអនាគត សេចក្តីសុខរបស់ខ្លួនឯង។
អាចនិយាយបានថាយើង អស់កម្មពារនឹងគ្នា យើត្រូវជួបនឹងបុរសណាម្នាក់ទៀត ដែលយើងមានបុណ្យវាសនាមាននិស្ស័យ អាចជួបក៏យើងមើលមិនដឹង ព្រោះរាល់ការបាត់បង់ មិនទាន់ទទួលបានអ្វីមួយ អាចថាយើងនឹងទទួលបានអ្វីមួយថ្មីទៀ៕