អង់គ្លេស៖ ក្រុមបិសាចក្រហម Manchester United បានដាក់បញ្ជូលកីឡាករ​ Declan Rice របស់ក្រុមញញួរយក្ស Westham​  ទៅក្នុងបញ្ជីកីឡាករចំនួន៣រូបដែលក្លិបអាចនាំយកមកជំនួសកីឡាករខ្សែបម្រើ Paul Pogba​ ប្រសិនបើរូបគាត់ចាកចេញ​។

កីឡាករ​ Declan Rice
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករខ្សែបម្រើ Paul Pogba

កីឡាករអន្តរជាតិបារាំង Paul Pogba​ អាចនឹងចាកចេញពីក្លិបនៅរដូវក្តៅនេះ បើទោះបីជាទម្រង់លេងរបស់គាត់កាន់តែប្រសើរឡើងខណះពេលដែលក្លិបបីសាចក្រហមកំពុងឈរនៅលេខរៀងទី២នៃតារាង English Premier League និង កំពុងឈានទៅកាន់វគ្គពាក់កណ្តាលផ្តាច់ព្រ័ត្រនៃពានរង្វាន់ Europa League ។​ ចំណែកក្លិបបិសាចក្រហម Manchester United ក៏កំពុងតែស្វះស្វែងក្នុងការបន្តកុងត្រាជាមួយកីឡាកររូបនេះដែរ។

កីឡាករ​ Declan Rice
កីឡាករខ្សែបម្រើ Paul Pogba

យោងតាមសារព័ត៌មាន Mirror បានឱ្យដឹងថា​ កីឡាករវ័យ ២៨ ឆ្នាំរូបនេះអាចរកប្រាក់បានរហូតដល់ទៅ ៤០០,០០០ ផោនក្នុងមួយសប្តាហ៍ ប៉ុន្តែបញ្ហាមួយនឹងអាចកើតឡើងប្រសិនបើការចរចាមិនបានជោគជ័យនោះ Pogba អាចនឹងចាកចេញ ហើយ Manchester United នឹងពិចារណាក្នុងការនាំយកកីឡាករម្នាក់ក្នុងចំណោមកីឡាករទាំងបីរូបដែល Declan Rice ក៏ជាកីឡាករម្នាក់ក្នុងចំណោមនោះផងដែរ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]