បរទេស៖ Thor គឺសម្ដែងដោយលោក Chris Hemsworth ជាខ្សែភាពយន្តកំពូលវីរបុរសតែមួយគត់របស់ Marvel នៅក្នុង MCU (Marvel Cinematic Universe) ដែលមានខ្សែភាពយន្តទោលរបស់ខ្លួនលើសពី Trilogy (បីវគ្គ) ពោលគឺមានបួនវគ្គខុសខ្សែភាពយន្តទោលរបស់វីរបុរសដ៏ទៃទៀតក្នុង MCU ក្នុងនោះមានដូចជា Thor, Thor: The Dark Worlds, Thor: Ragnarok និងចុងក្រោយគឺ Thor: Love & Thunder ដែលកំពុងតែថតសព្វថ្ងៃនេះឯង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះជាយ៉ាងណា Thor 1 និង 2 មើលទៅមិនត្រូវបានអ្នកគាំទ្រងប់ងល់ខ្លាំងដូចខ្សែភាពយន្តកំពូលវីរបុរសដ៏ទៃក្នុង MCU ឡើយរហូតដល់ Thor: Ragnarok ដែលជាស្នាដៃរបស់លោក Taika Waititi បានចេញបញ្ចាំងយើងសង្កេតឃើញថាអ្វីៗគឺបានផ្លាស់ប្ដូរគឺមានការគាំទ្រពីអ្នកគាំទ្រជាច្រើនខុសពីខ្សែភាពយន្តទោលមុនៗរបស់ Thor នោះ។ អ្វីដែលធ្វើអោយក្រុមអ្នកគាំទ្រមានភាពភ្ញាក់ផ្អើរពីរឿងរបស់ God of Thunder រឿង Thor: Ragnarok នោះគឺអ្នកដឹកនាំរឿងលោក Taika Waititi បានបន្ថែមតួអង្គថ្មីៗមួយចំនួនដូចជា Grandmaster សម្ដែងដោយលោក Jeff Goldblum ហើយ Valkyrie សម្ដែងដោយអ្នកនាង Tessa Thompson ជាមួយនឹងភាពកំប្លុកកំប្លែងរវាងបងប្អូនទេវតា Thor និង Loki ផងដែរ។
គួអោយដឹកផងទៀតថានៅក្នុងខ្សែភាពយន្ត Thor: Love & Thunder ក៏មិនខុសពី Thor 3 ប៉ុន្មានដែរគឺអ្នកដឹកនាំរឿងរូបនេះបានកោះហៅតារាសម្ដែងផ្សេងៗដូចជាលោក Christian Bale ដែលគ្រប់គ្នាស្កាល់តាមរយៈខ្សែភាពយន្ត The Dark Knight (Batman) របស់ DC ដែលជាខ្សែភាពយន្ត Superhero តែមួយគត់ទទួលបានពិន្ទុខ្ពស់ជាងគេក្នុងប្រវត្តសាស្ត្រលើ IMDb ទាំង Marvel ជាមួយនឹង DC និងលោក Russell Crowe ដែលធ្លាប់មានវត្តមាននៅក្នុងខ្សែភាពយន្តរបស់ DC ដូចជាគ្នាគឺក្នុងរឿង Man of Steel (Superman) ក្នុងនាមជា Jor El ដែលត្រូវជាឪពុកបង្កើត Clark Kent ឬ Kal El ដែលជា Superman នេះឯង ដែលតារាមកពី DC ទាំងពីរនាក់នេះនឹងចូលមកកាន់ដំណែងតួអង្គដូចជា Gorr the God Butcher និង Zeus នៅក្នុង Thor 4 នេះផងដែរ។
យ៉ាងណាមិញអ្នកដឹកនាំរឿងលោក Taika Waititi បានប្រកាសថាខ្សែភាពយន្ត Thor: Love & Thunder នេះគឺជិតបញ្ចប់ការថតហើយនេះបើយោងតាមលោកប្រាប់ទៅកាន់សារព័ត៌មាន The Weekend Today ថាពួកលោកសល់រយៈពេលតែ ៤ សប្តាហ៍ទៀតទេនៃការថតលើខ្សែភាពយន្តខាងលើនេះលោកក៏បន្ថែមទៀតថា «Thor 4 នេះគឺជាខ្សែភាពយន្តដ៏ល្អបំផុតរបស់ Marvel» នោះហើយយើងនឹងឃើញវត្តមានរបស់តួអង្គផ្សេងៗដូចជា Thor សម្ដែងដោយ Chris Hemsworth ចំណែកឯ Natalie Portman សម្ដែងជា Jane Foster រីឯ Gorr the God Butcher នឹងសម្ដែងដោយលោក Christian Bale ហើយលោក Russell Crowe នឹងកាន់តំនែង Zeus ចំពោះ Korg ត្រូវបានលោក Waititi សម្ដែងដោយផ្ទាល់និងចុងក្រោយ Sif សម្ដែងដោយ Jaimie Alexander។ ក្រៅពីនេះយើងក៏អាចឃើញវត្តមានរបស់ក្រុមកំពូលវីរបុរស The Guardian of Galaxy ដូចជា Star Lord, Drax, Nebula, Mantis ជាដើមផងដែរ៕