ភ្នំពេញ៖ កាលពីពេលថ្មីៗនេះ ព្រះនាងតូច នរោត្តម ជេនណា បានធ្វើការអំពាវដល់បងប្អូនជនរួមទាំងអស់ សូមមេត្តាអត់ធ្មត់ខ្ពស់ នៅក្នុងពេលស្ថានភាពកំពុងតែលំបាកខ្លាំង ដោយសារតែវីរុសកូវីដ១៩ បានឆ្លងរីករាលច្រើន ដែលធ្វើឲ្យសេដ្ឋកិច្ចមានការរាំងស្ទះជាខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ដោយឃើញពីសភាពការណ៍បច្ចុប្បន្នមិនសូវជាអំណោយផលប៉ុន្មាន ព្រះនាងតូចបានមានបន្ទូលតាមរយៈសំណេរខ្លីថា៖
ស្ថិតក្នុងស្ថានភាពដ៏លំបាក ក្នុងការប្រយុទ្ធប្រឆាំងនឹងជំងឺកូវិត ១៩ នេះ សូមពុកម៉ែមាមីងបងប្អូនទាំងអស់មេត្តា ស៊ូទ្រាំ យោគយល់ និងអធ្យាស្រ័យចំពោះពេលវេលាដ៏លំបាកនេះ ដោយនៅក្នុងផ្ទះមិនចេញក្រៅ ហេីយបន្តអនុវត្តន៍វិធានការ ៣ការពារ ៣កុំ និងចាក់វ៉ាក់សាំងបានខ្ជាប់ខ្ជួនបំផុតដេីម្បីសុវត្ថិភាពសុខភាពរបស់យេីងទាំងអស់គ្នា។
ការអនុវត្តតាមប្រសាសន៍រាជរដ្ឋាភិបាល និង ក្រសួងសុខាភិបាល គឺមិនត្រឹមតែជួយការពារអ្នកឲ្យជៀសឆ្ងាយពី ជំងឺដ៏កាចសាហាវនេះនោះទេ ហើយថែមទាំងការពារមនុស្សជាទីស្រឡាញ់ និង មនុស្សជុំវិញខ្លួនយើងទៀតផង។
ខ្ញុំសូមអរគុណដល់រាជរដ្ឋាភិបាល ទ័ពអាវសជួរមុខគ្រូពេទ្យ នឹងកងកម្លាំងសមត្ថកិច្ចទាំងអស់ ដែលបានយកចិត្តទុកដាក់ខ្ពស់ក្នុងការជួយសង្គ្រោះជីវិតប្រជាពលរដ្ឋកម្ពុជា។
ជាមួយគ្នានេះ បងប្អូនសិស្សានុសិស្សទាំងអស់ ពិសេសកុមារាកុមារីគួរតែយកពេលវេលានេះប្រឹងប្រែងរៀនសូត្រដោយសំងំនៅផ្ទះ រឺក្នុងបន្ទប់ដេីម្បីរៀនសូត្របន្ថែមនៅផ្ទះ ជាមួយម៉ាក់ប៉ា និងរៀនសូត្រតាម online។
ស៊ូលំបាករយះពេលខ្លី តែយេីងនឹងបានរស់នៅសុខសប្បាយយូរអង្វែងជាមួយគ្នា។
ស៊ូស៊ូ កម្ពជា! យេីងនឹងឆ្លងផុតគ្រាលំបាកនេះជាមួយគ្នា
យ៉ាងណាមិញ អ្នកគាំទ្រក៏គាំទ្រនូវសំណេររបស់ព្រះនាងតូចផងដែរ ដោយអនុវត្តគោលការណ៍៣កុំ៣ការពារយ៉ាងខ្ជាប់ខ្ជួនផងដែរ៕
សូមចូលទស្សនារូបភាពខាងក្រោម៖
Bong I.T