Ahyeon ក្រុម BABYMONSTER ត្រូវគេសរសើរព្រាត ពេលច្រៀង Live បានល្អខ្លាំងដូចសំឡេងក្នុងស្ទីដយូ

កូរ៉េខាងត្បូង៖ ក្រុមចម្រៀង BABYMONSTER ដែលជាក្រុមចម្រៀងនារីថ្មីរបស់ផលិតកម្ម YG Entertainment កំពុងទទួលការចាប់អារម្មណ៍ខ្លាំង ដោយសារតែសំឡេងច្រៀងដ៏មានថាមពលរបស់ពួកគេ។

ថ្មីៗនេះ BABYMONSTER ទើបតែបានបញ្ចេញបទថ្មីមានចំណងជើងថា "SHEESH" ដោយ Ahyeon បានវិលត្រឡប់មករួមក្រុមវិញហើយ ក្រោយពីបានបាត់មុខក្នុងបទចម្រៀងដំបូងរបស់ក្រុម ដោយសារបញ្ហាសុខភាព។

យ៉ាងណាមិញ អំឡុងពេល BABYMONSTER បានឡើងសម្ដែងបទ "SHEESH" នៅក្នុងកម្មវិធី "M! Countdown" នោះគឺ អ្នកគាំទ្រសង្កេតឃើញថា Ahyeon ពិតជាសម្ដែងបានល្អខ្លាំងទាំងការរាំនិងការច្រៀង បើទោះបីជាបទនេះតម្រូវឲ្យរាំញាក់កន្ត្រាក់យ៉ាងណាក៏សំឡេងនាងនៅតែមានថាមពល ហើយមិនត្រឹមតែប៉ុណ្ណឹង នាងក៏មានទាំងភាពជឿជាក់ និងភាពទាក់ទាញ ដែលធ្វើឲ្យអ្នកគាំទ្រសរសើរមិនដាច់ពីមាត់ថា នាងគឺជាគ្រាប់ពេជ្ររបស់ YG៕  

ប្រភព៖ koreaboo