Spurs ប្រជែងជាមួយ Arsenal និង Chelsea ក្នុងការនាំយកតារាឆ្នើមរបស់ក្លិប Bayern Munich រូបនេះ

បរទេស៖ ក្លិបាល់ទាត់ Tottenham Hotspur កំពុងតែមានប្រៀបក្នុងការចុះហត្ថលេខានាំយកខ្សែការពារសញ្ជាតិអាល្លឺម៉ង់ កីឡាករ Jérôme Boateng ពីក្រុមយក្ស Bayern Muchen នារដូវក្តៅខាងមុខនេះ ខណៈពេលដែលតារាឆ្នើមរូបនេះអស់សុពលភាពកិច្ចសន្យាកុងត្រាជាមួយនឹងក្លិប។

តារាឆ្នើមសញ្ជាតិអាល្លឺម៉ង់ វ័យ៣២ឆ្នាំរូបនេះ បានចំណាយពេលវេលា១០រដូវកាលជាមួយក្រុមយក្ស FC Bayern Muchen ដែលជាពេលវេលាមួយដែលរូបគេបានជួយក្រុមនិង ឈ្នះពានជាច្រើនក្នុងរយៈពេលមួយទស្សវត្សរ៍កន្លងមកនេះ។

មិនត្រឹមតែមានការចាប់អារម្មណ៍ពីក្លិបធំៗនៅ Premier League ក្លិប​ Barcelona និង Dortmund ក៏មានការពេញចិត្តចង់បានម្ចាស់ពាន Worl Cup 2014 រូបនេះដែរ តែយ៉ាងណាក៏ដោយក្រុមដែលដឹកនាំដោយលោក Jose Mourinho នៅតែឈានមុខគេក្នុងការចុះហត្ថលេខានាំយកកីឡាកររូបនេះ។

តាមរយៈ Sky Sports បានឲ្យដឹងថា Jérôme Boateng អាចនឹងត្រឡប់ទៅលេងនៅទឹកដីអង់គ្លេសវិញសារជាថ្មីបន្ទាប់ពីចាកចេញពី Manchester City កាលពីឆ្នាំ២០១១កន្លងទៅ៕