Jessica អតីតសមាជិកក្រុម SNSD បង្ហើបពីគម្រោងនៃការចេញបទចម្រៀងថ្មី (មានវីដេអូ)

បរទេស៖ តារាចម្រៀងនារីទោល Jessica Jung ដែលជាអតីតសមាជិករបស់ក្រុមនារីតំណាងប្រទេស Girls' Generation ដោយសព្វថ្ងៃនាងជាម្ចាស់ប្រ៊េនដ៏ល្បីមួយរបស់ Blanc & Eclare បានលួចបង្ហើបប្រាប់អ្នកគាំទ្រនូវការរៀបចំចេញបទចម្រៀងទោលរបស់នាងតាមរយ:គណនី YouTube របស់នាង។ 

តាមរយៈវីដេអូនៅក្នុងគណនី YouTube chanel ជាផ្លូវការរបស់ Jessica ដែលមានឈ្មោះថា "Jessica Jung" នាងបានបង្ហោះនូវវីដេអូមួយ ដែលបង្ហាញនូវម៉ូតសម្លៀកបំពាក់ជាច្រើនឈុតដែលនាងបានជ្រើសរើសផ្ទាល់សម្រាប់ពីររដូវ ដែលមានដូចជានិទាឃរដូវនិងរដូវក្តៅ។ ក្នុងនោះផងដែរអ្វីដែលគួរឱ្យភ្ញាក់ផ្អើលសម្រាប់អ្នកគាំទ្ររបស់ Jessica នោះគឺនាងបានលួចបង្ហើបពីគម្រោងនៃការចេញបទចម្រៀងថ្មីរបស់នាង ដោយនាងមិនបានបញ្ជាក់ពីការបរិច្ឆេទច្បាស់លាស់នោះទេ ប៉ុន្តែវាអាចនឹងចេញនាពេលឆាប់ៗនេះផងដែរ។ បទចុងក្រោយដែលនាងបានចេញមានចំណងជើងថា "SUMMER STORM" ដែលចេញកាលពីខែសីហា ឆ្នាំ២០១៧ ក្នុងអត្ថន័យនៃការប្រារព្វខួបនៃការឈានជើងចូលសិល្ប:របស់នាងរយៈពេលជាង១០ឆ្នាំ។

ទោះបីជា Jessica មិនមានវត្តមានជាមួយ Girls' Generation ទៀតក៏ដោយ សម្រាប់អ្នកគាំទ្រគឺនៅតែគាំទ្ររាល់សកម្មភាពរបស់នាងជានិច្ច។ ចង់ដឹងថាបទថ្មីរបស់ Jessica មានលក្ខណៈពិសេសយ៉ាងណានោះ សូមប្រិយមិត្ត Khmerload រង់ចាំមើលទាំងអស់គ្នាណា៕

សូមទស្សនារូបភាព និងវីដេអូខាងក្រោម៖