ចាប់តាំងពីបានចាប់ដៃគូជាមួយគ្នា Kem និង Mookda Narikrak ផ្ទុះការគាំទ្រយ៉ាងខ្លាំង

ថៃ៖ ក្រោយពីបានចាប់ដៃគូសហការជាមួយគ្នា នៅក្នុងការសម្ដែងរឿងភាគ Kem Hussawee និង Mookda Narinrak ហាក់ដូចជាមានការផ្ទុះនូវការគាំទ្រយ៉ាង​ដោយមិនមែនតែអ្នកទស្សនានៅក្នុងប្រទេសថៃតែមួយនោះទេ គឺមាននៅប្រទេសផ្សេងៗទៀតផងដែរ។ 

នៅក្នុងនោះ រឿងថ្មីរបស់ពួកគេទាំងពីរ ដែលមានចំណងជើងថា «Khoei Baan rai Sapai Hi-so» ក៏ទទួលបាននូវការគាំទ្រយ៉ាងខ្លាំង និងបានក្លាយជារឿងដែលត្រូវបានជ្រើសរើសនៅក្នុងពានរង្វាន់ The Most Awaited Thai Drama of 2021 ផងដែរ។ 

ចំពោះ Kem Hussawee ថា ប្រជាប្រិយភាពរបស់លោក បានផ្ទុះឡើងនៅក្នុងបណ្ដាប្រទេសមួយចំនួននៅក្នុងតំបន់ មានថៃ ឡាវ កម្ពុជា ជាដើម ក្រោយពីតារាប្រុសរូបនេះបានបង្ហាញមុខនៅក្នុងការសម្ដែងនូវរឿងភាគជាច្រើន។ នៅក្នុងនោះ រឿងដែលបានធ្វើឲ្យលោកចាប់ផ្ដើមមានសន្ទុះនៃការគាំទ្រខ្លាំង គឺរឿង So Wayree។ 

ចំណែកឯ Mookda Narikrak ថា ក៏បានផ្ទុះនូវការគាំទ្រខ្លាំងក្រោយពីបានសម្ដែងរឿង So Wayree ជាមួយនឹង Kem Hussawee ផងដែរ។ នៅក្នុងនោះ ប្រជាប្រិយភាពរបស់តារាស្រីរូបនេះ ក៏មិនខុសគ្នាពី Kem Hussawee ប៉ុន្មានដែរ ព្រោះអ្នកទាំងពីរត្រូវបានចាប់ដៃគូរជាមួយគ្នា៕