កូរ៉េខាងត្បូង៖ ក្រុមចម្រៀងបុរសរបស់ប្រទេសកូរ៉ខាងត្បូងដែលដណ្តើមបានបេះដូងអ្នកគាំទ្ររាប់លាននាក់ទូទាំងពិភពលោក បានបង្ហោះសារមួយដែលបង្ហាញពីគោលជំហរក្នុងការគាំទ្រចលនា «Stop Asian Hate» ដែលនៅមួយរយ:ក្រោយនេះសកម្មភាពមិនគួរឱ្យទទួលយកបានដែលកើតឡើងទៅលើជនជាតិអាស៊ីកំពុងកើនឡើងខ្លាំង ដោយកើតឡើងពីការស្អប់ខ្ពើម និងរើសអើងពណ៌សម្បុរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសារនោះបានសរសេរជាភាសាកូរ៉េផង និងអង់គ្លេសផងដោយមានន័យថា៖
គួរបញ្ជាក់ផងដែរថា កាលពីថ្ងៃទី ១៦ ខែ មីនា មានមនុស្ស ៨នាក់បានស្លាប់នៅក្នុងហេតុការណ៍បាញ់ប្រហារនៅក្នុងហាងស្ប៉ា និងម៉ាស្សាចំនួនបីកន្លែងនៅឯ Atlanta នៅក្នុងនោះមានស្ត្រី៦នាក់ដែលជាជនជាតិអាស៊ីបានស្លាប់ ហើយក្នុងរយ:កាលមួយឆ្នាំចុងក្រោយនេះបទឧក្រិដ្ឋទាក់ទងនឹងការស្អប់ជនជាតិអាស៊ីក៏កើនឡើងដល់ទៅជិត ១៥០ភាគរយឯណោះ។ នេះបើយោងតាមការរាយការណ៍របស់ Center for the Study of Hate and Extremism។
ជាការឆ្លើយតបមកវិញសមាជិកក្រុម BTS បាននិយាយពីការដែលពួកគេបានជួបប្រទះនឹងការរើសអើងទាំងនោះ ហើយក៏ធ្វើឱ្យពួកគេមានអារម្មណ៍ថា "គ្មានអំណាច" និងត្រូវបាន "ជម្រុះចោល" នូវតម្លៃផ្ទាល់ខ្លួន ដោយបាននិយាយថា "យើងមិនដឹងយកពាក្យអ្វីមកបង្ហាញពីការឈឺចាប់ដែលត្រូវស្អប់ និងទទួលរងភាពហិង្សាដោយសារហេតុផលបែបនេះបាននោះឡើយ។
ហើយអ្វីដែលយើងទទួលរងនោះក៏មិនស្មើនឹងហេតុការណ៍ដែលទើបតែកើតឡើងកាលពីប៉ុន្មានសប្តាហ៍មុននេះដែរ ប៉ុន្តែបទពិសោធន៍ទាំងនោះវាសល្មមនឹងធ្វើឱ្យយើងមានអារម្មណ៍ថាគ្មានអំណាច ហើយក៏ធ្វើឱ្យតម្លៃរបស់យើងបាត់ទៅ អ្វីដែលកំពុងកើតឡើងនេះមិនអាចលប់បំបាត់ចេញពីអត្តសញ្ញាណជាជនជាតិអាស៊ីរបស់យើងឡើយ"។ ហើយ BTS បានបញ្ចប់សាររបស់ខ្លួនថា៖ "ប៉ុន្តែអ្វីដែលយើងត្រូវតែបញ្ជូនបន្តនោះគឺបង្ហាញច្បាស់ខ្លាំងណាស់ យើងប្រឆាំងនឹងការរើសអើងពូជសាសន៍ យើងថ្កោលទោសទៅលើការប្រើអំពើហិង្សា អ្នក ខ្ញុំ និងពួកយើងមានសិទ្ធិគ្រប់គ្រាន់នឹងទទួលបានការគោរព ហើយយើងនឹងឈរយ៉ាងរឹងមាំជាមួយគ្នា"៕
សូមទស្សនារូបភាពខាងក្រោម: