រាជធានីភ្នំពេញ ៖ រថយន្ដឡិចស៊ីស RX300 ពណ៌ស និង រថយន្ដមួយគ្រឿងទៀតម៉ាកឡិចស៊ីស RX300 ពណ៌ត្រីឆ្លូញ បើកជែងគ្នា តាមមហាវិថីព្រះមុនីវង្ស ជិតផុតផ្លូវភ្លោះអូរឫស្សី ស្រាប់តែរថយន្ដ ឡិចស៊ីស RX300 ពណ៌ស ជ្រុលទៅបុកក្បាលព្រួញថ្មចែកផ្លូវខ្ទាតប៉ើង រួចបើកកិនពីលើបែកអស់៣កង់ទៀត ហើយរថយន្ដបើកគេចទៅទិសខាងត្បូង បាត់ស្រមោល។
ហេតុការណ៍នេះកើតឡើងកាលពីវេលាម៉ោង១២និង៣នាទី រំលងអធ្រាត្រឈានចូលថ្ងៃទី១១ មេសា ក្នុងសង្កាត់បឹងព្រលិត ខណ្ឌ៧ មករា។ សាក្សីឃើញហេតុការណ៍ឱ្យដឹងថា មុនពេលកើតហេតុមានរថយន្ដពីរ គ្រឿងបើកជែងប្រដេញគ្នាតាមមហាវិថីព្រះមុនីង្ស ពីជើងទៅត្បូង ក្នុងនោះមានរថយន្ដឡិចស៊ីស RX300 ពណ៌ស និងរថយន្ដឡិចស៊ីស RX300 ពណ៌ត្រីឆ្លូញ។ ខណៈបើកជិតផុតផ្លូវភ្លោះអូរឫស្សី ស្រាប់តែរថយន្ដ ឡិចស៊ីស RX300 ពណ៌ស ជ្រុលចង្កូតទៅបុកក្បាលព្រួញខ្ទាតប៉ើងហើយបើក កិនពីលើទ្រូងពុះចែកផ្លូវបណ្ដាលឱ្យបែកបាក់អស់៣កង់ទៀត។ រថយន្ដ ទាំងពីរគ្រឿងបន្ទាប់ពីបង្កហេតុរួចបើកគេចបាត់ស្រមោល ។
ប្រភពដដែលបន្ដទៀតថា កន្លែងកើតហេតុនោះជាកន្លែង ងងឹតគ្មានភ្លើងបំភ្លឺផ្លូវ ក្រោយពេលបុកហើយគ្មានសមត្ថកិច្ចណាទៅ អើពើរើសបំណែកថ្មដែលខូចខាតនោះទេ ទុកឱ្យនៅរាយប៉ាយពេញផ្លូវ ដោយសារ តែចាប់រថយន្ដបង្កមិនបាន៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
