ផ្ទុះការចាប់អារម្មណ៍! ផ្ទាំងពពកធំ ហាក់ដូចជារលកយក្សស៊ូណាមិ ត្រូវបានគេមើលឃើញទូទាំងប្រទេសវែល

វែល៖ នាពេលថ្មីៗនេះ ពលរដ្ឋរស់នៅប្រទេសវែលមានការងឿងឆ្ងល់ជាខ្លាំង ក្រោយប្រទះឃើញផ្ទាំងពពកដ៏ធំចម្លែក ហាក់ដូចជារលកយក្សស៊ូណាមិដែលកំពុងបក់បោកឆ្ពោះទៅកាន់ផ្ទះនានា នៅទូទាំងប្រទេសវែល។ ទិដ្ឋភាពដ៏ចម្លែកនេះ ត្រូវគេប្រទះឃើញមានកម្ពស់រាប់សិបម៉ែត្រពីដី ហើយអ្នកស្រុកបាននាំគ្នាថតបង្ហោះចែកចាយពាសពេញបណ្ដាញសង្គម ដើម្បីរាយការណ៍អំពីបាតុភូតអាកាសធាតុនេះផងដែរ។

ជាក់ស្ដែង ស្ដ្រីម្នាក់ឈ្មោះ Maria Taylor មកពីទីក្រុង Llandudno នៃប្រទេសវែល បានចាប់យកទិដ្ឋភាពគួរឲ្យចាប់អារម្មណ៍នេះ ដែលកំពុងលាតសន្ធឹងពាសពេញផ្ទៃមេឃក្នុងតំបន់ឆ្នេរ West Shore ទៅបង្ហោះនៅលើហ្វេសប៊ុក ហើយអមនឹងសំណេរថា៖

យ៉ាងណាមិញ ជុំវិញរូបភាពពពកនេះដែរ បានធ្វើឲ្យមហាជនអ្នកនិយមលេងហ្វេសប៊ុក ធ្វើការ បញ្ចេញមតិរៀងៗខ្លួន ដោយមនុស្សម្នាក់បានសរសេរថា «វាមើលទៅដូចជារលកយក្ស វាពិតជាចម្លែក និងប្លែកណាស់»។ ខណៈអ្នកផ្សេងទៀតបន្ថែមថា «ខ្ញុំអាចមើលឃើញវាពីទីក្រុង Rhyl មក ខ្ញុំមិនដែលឃើញអ្វីបែបនេះពីមុនទេ»។

គួរឲ្យដឹងថា អ្វីដែលគេបានប្រទះឃើញនេះ ត្រូវបានគេស្គាល់ថាបាតុភូតពពក Arcus ជាពពកដែលមានកម្រិតទាប វែង ហើយស្ដើង ដែលវាអាចបង្កឲ្យមានខ្យល់បក់ខ្លាំង ឬភ្លៀងធ្លាក់ខ្លាំង លាយឡំជាមួយបាតុភូតផ្គរលាន់ ផ្លេកបន្ទោរ និងរន្ទះជាដើម៕

​​​​​​​​​​​​​​​​​​​​​​​​​​​​​​​​​​​​​​សូមទស្សនារូបភាពខាងក្រោម៖